దస్తావేజు లేఖరులకు న్యాయం చేయండి..

విశాలాంధ్ర ధర్మవరం;; పట్టణంలోని సబ్ రిజిస్టర్ కార్యాలయం వద్ద దస్తావేజు లేకరులుగా మాకు న్యాయం చేయాలని కోరుతూ మున్సిపల్ కమిషనర్ ప్రమోద్ కుమార్ కి వినతి పత్రాన్ని అందజేశారు. అనంతరం దస్తావే జు లేఖరులు మాట్లాడుతూ మేము బయట బాడుగులకు ప్రైవేటు వారి రూములు తీసుకొని పత్రాలు రాసుకుంటున్నామని చెప్పినా కూడా మున్సిపల్ సిబ్బంది వారు అందులకు అంగీకరించడం లేదని, గత పాలకుల మాట మేరకు కొత్తగా సబ్ రిజిస్టార్ కార్యాలయం సంత మార్కెట్లోకి మార్చడం జరిగిందన్నారు. మున్సిపల్ కార్యాలయం సిబ్బంది ఒత్తిడి మేరకు మాకు కూడా కొన్ని రూములు ఆలయం జరిగిందని రూములు ఇచ్చినప్పుడు మాకు గుడ్ విల్ మొత్తము బాడుగ తక్కువ ఇస్తాము అని చెప్పి వేలంలో కూడా మీరు పాట పాడండి చూస్తాములే అని మా అందరిచే పాట పాడించడం జరిగిందన్నారు. అనంతరం మున్సిపల్ సిబ్బంది గుడ్ విల్ 3 లక్షల రూపాయలు బాడుగ 3000 రూపాయలు అని చెప్పి ఉండగా వాటన్నింటినీ కనిపెట్టి మా అందరి చే బలవంతంగా వేలంలో పాల్గొనేటట్లు చేయడం జరిగిందన్నారు. వేలంపాట అయిపోయిన తర్వాత సిబ్బంది ఒక్కొక్కరుకి గుడ్ విల్ మొత్తం తొమ్మిది లక్షల 50 వేల రూపాయలు, బాడుగ పదివేల రూపాయలు అని చెప్పడం జరిగిందన్నారు. ఇది మా బోటీ వాళ్లకు ఎంత మాత్రమూ సరికాదని వారు తెలిపారు. తదుపరి మేము మున్సిపల్ సిబ్బందితో విభేదించగా అంత మొత్తము కట్టలేము అని చెప్పినా కూడా వినలేదని వారు బాధను వ్యక్తం చేశారు. అంతేకాకుండా అప్పుడే లక్ష రూపాయలు కట్టండి చాలు నిదానంగా మీకు బయట బాడుగలు ఎంత ఉంటాయో అంతే బాడుగ తగ్గించి ఇస్తామని హామీ ఇవ్వడం జరిగిందని, ఆ హామీ కేవలం బూటకపు మాటలేనని తెలిపారు. ఇక్కడ బాత్రూములు వాటర్ సౌకర్యము ఏమియు లేదని, ధర్మవరం నందు గత పాలనలో జరిగిన రియల్ ఎస్టేట్ వ్యాపారం మందగించిందని తెలిపారు. మున్సిపల్ సిబ్బంది గుడ్ విల్ మొత్తములను మా నుండి బలవంతంగా వసూలు చేయడం జరిగిందని, ఇప్పుడు కూడా మాకు పనులు లేవు అని గుడ్ విల్ కట్టలేని పరిస్థితిలో ఉన్నామని వారు స్పష్టం చేశారు. కావున మున్సిపల్ కమిషనర్ గా మీరు మా సమస్యలను మా కష్టాలను గుర్తించి మాకు న్యాయం చేయాలని వారు మున్సిపల్ కమిషనర్ ను కోరడం జరిగిందని తెలిపారు. ఈ కార్యక్రమంలో దస్తావేజు లేఖరులు మల్లికార్జున, మహేష్, అల్లం రామాంజి, గోపి, బాలాజీ, వెంకటేష్, మహేంద్ర, భాస్కర్ ,పవన్, అనిల్, రామాంజి, మల్లికార్జున, కీర్తి, వాజిద్ తదితరులు పాల్గొన్నారు.