పేద కుటుంబానికి ఆర్థిక సహాయం..

వైయస్సార్సీపి 25వ వార్డు కౌన్సిలర్ మేడాపురం వెంకటేష్.
విశాలాంధ్ర – ధర్మవరం : పట్టణంలోని 25 వ వార్డు లక్ష్మీ చెన్నకేశవ పురములో పూల చెట్ల ఆనంద్ భార్య పూల చెట్ల ముత్యాలమ్మ ప్రభుత్వ ఆసుపత్రిలో ప్రసవం కోసం పోగా, ఆడపిల్లకు జన్మనిచ్చి తల్లి మృతి చెందడం జరిగింది. ఈ విషయం తెలుసుకున్న 25వ వార్డు కౌన్సిలర్ మేడాపురం వెంకటేష్ మాజీ ఎమ్మెల్యే కేతిరెడ్డి వెంకటరామిరెడ్డి ఆదేశాల మేరకు ముత్యాలమ్మ భర్తకు అంతక్రియల కోసం ఆర్థిక సహాయముగా 10,000 రూపాయల నగదును వారు అందజేశారు. ఈ సందర్భంగా బాధిత కుటుంబ సభ్యులు కౌన్సిలర్కు కృతజ్ఞతలను తెలియజేశారు. గత కొన్ని సంవత్సరాలుగా 25వ వార్డులో ప్రజలకు ఏ సహాయం కావాలన్న కౌన్సిలర్ ముందుండి, ఆర్థిక సహాయాన్ని అందిస్తూ, సమస్యలను పరిష్కరించుటలో వారికి వారే సాటి అని ప్రజలు తెలుపుతున్నరూ. అనంతరం కౌన్సిలర్ మాట్లాడుతూ నా వార్డులోని ప్రజలకు ఏ సమస్యలు లేకుండా పరిష్కార దిశగా తాను కృషి చేయడమే నా ప్రధమ కర్తవ్యం అని తెలిపారు. నట శేఖర్ కృష్ణ, సినీ హీరో మహేష్ వారి అడుగుజాడల్లో పట్టణంలో ఎన్నో సేవా కార్యక్రమాలను నిర్వర్తించడం కూడా జరిగిందని తెలుపుతున్నారు.