రెన్యుబుల్ ఎనర్జీ పై ఉచిత శిక్షణ.. ప్రిన్సిపాల్ కరణం హర్షవర్ధన్

విశాలాంధ్ర ధర్మవరం::కేంద్ర ప్రభుత్వ పథకం పియంకెవివై 4.0 మరియు స్కిల్ ఇండియా వారి సహకారంతో స్థానిక రేగాటిపల్లె రోడ్డు నందు గల శ్రీ వివేకానంద డిగ్రీ కళాశాలలో సోలార్ పీవీ సెల్ తయారీ టెక్నీషియన్పై అభివ్రిట్టి సంస్థ ఆధ్వర్యంలో 3 నెలల పాటు ఉచిత శిక్షణ ఉంటుందని కళాశాల ప్రిన్సిపాల్ కరణం హర్ష వర్ధన్ తెలిపారు. అనంతరం వారు మాట్లాడుతూ ఈ శిక్షణను ఇంటర్ చదివి 16 నుండి 24 సంవత్సరాల మధ్య వయస్సు గల వారు అర్హులని,శిక్షణ అనంతరం ప్రభుత్వ మరియు ప్రైవేట్ సోలార్ ఎనర్జీ సంస్థలలో ఉద్యోగాలకు అర్హులు అవుతారని ఈ అవకాశాన్ని నియోజకవర్గ పరిధిలోని విద్యార్థులు,నిరుద్యోగులు సద్వినియోగం చేసుకోవాలని కోరారు. మరిన్ని వివరాలకు 6305636255,9052984089 నెంబర్లను సంప్రదించవచ్చు అని తెలిపారు.