విద్యార్థులకు అన్నదానం చేయడం నా అదృష్టంగా భావిస్తాను.. న్యాయవాది గుంటప్ప

విశాలాంధ్ర ధర్మవరం;; విద్యార్థులకు అన్నదానం చేయడం నా అదృష్టంగా భావిస్తాను అని న్యాయవాది గుంటప్ప పేర్కొన్నారు. ఈ సందర్భంగా పట్టణంలోని ప్రభుత్వ బాలికల జూనియర్ కళాశాలలో న్యాయవాది గుంటప్ప తన తల్లిదండ్రుల జ్ఞాపకార్థం కళాశాలలోని 445 విద్యార్థినిలకు స్వయంగా భోజన పంపిణీ చేశారు. ఈ భోజన పంపిణీలో కళాశాల ప్రిన్సిపాల్ లక్ష్మి కాంత్ రెడ్డి కళాశాల అభివృద్ధి కమిటీ చైర్మన్ బండి వేణుగోపాల్ కూడా వారి చేతుల మీదుగా విద్యార్థినిలకు భోజన పంపిణీ చేశారు. ఈ కార్యక్రమం పట్టణంలోని మానవతా స్వచ్ఛంద సేవా సంస్థ ఆధ్వర్యంలో నిర్వహించడం జరిగిందని అధ్యక్షులు చిన్న తంబి చిన్నప్ప తెలిపారు. అనంతరం చిన్నప్ప మాట్లాడుతూ పట్టణంలో ఇప్పటికే పలు సేవా కార్యక్రమాలలో మానవతా స్వచ్ఛంద సేవా సంస్థ దాతల సహాయ సహకారములతో ఎన్నో సేవా కార్యక్రమాలను చేపట్టడం మాకెంతో సంతృప్తిని ఇస్తోందని తెలిపారు. మున్ముందు మరిన్ని సహాయ సహకారాలు కూడా నిర్వహిస్తామని తెలిపారు. విద్యార్థులకు భోజన పంపిణీ కార్యక్రమం చేపట్టిన న్యాయవాదికి, మానవతా స్వచ్ఛంద సేవా సంస్థ వారికి కళాశాల ప్రిన్సిపాల్, చైర్మన్కు ప్రత్యేక కృతజ్ఞతలను తెలియజేశారు.