ఉచిత కంటి ఆపరేషన్ కార్యక్రమాన్ని ప్రారంభించిన ఎన్డీఏ కార్యాలయమంత్రి ఇంచార్జ్ హరీష్ బాబు

విశాలాంధ్ర ధర్మవరం;;- ధర్మవరంలో మంత్రి సత్యకుమార్ యాదవ్ సహకారంతో, 22వ వార్డు నాయకులు ప్రకాష్ గౌడ్ ఆధ్వర్యంలో శాంతిరాం ఐ హాస్పిటల్ కర్నూల్ వారిచే ధర్మవరం పట్టణంలోని ప్రజల కోసం ఎమ్మార్వో ఆఫీస్ విశ్రాంత ఉద్యోగుల కార్యాలయ ఆవరణ నందు ఏర్పాటుచేసిన ఉచిత కంటి ఆపరేషన్ కార్యక్రమాన్ని ఎన్డీఏ కార్యాలయ మంత్రి ఇన్చార్జ్ హరీష్ బాబు ప్రారంభించారు. ఈ కార్యక్రమ సందర్భంగా హరీష్ బాబు మాట్లాడుతూ ప్రజలకు ఉచిత కంటి వైద్య సేవలు అందించడానికి ఆధునిక సౌకర్యాలతో ఏర్పాట్లు చేసి “ప్రతి ఒక్కరికీ ఆరోగ్యకరమైన దృష్టి కోసం మేము ఈ ఉచిత కంటి ఆపరేషన్ కార్యక్రమాన్ని ప్రారంభించాం అని తెలిపారు. ఇది కంటి లోపం ఉన్న నిరుపేద, అర్హులైన వ్యక్తులకు ఒక మంచి అవకాశం” అని పేర్కొన్నారు. ఈ కార్యక్రమం ఎంతో ప్రజావాదం కలిగిస్తుందని, దీనివల్ల ఎవరైనా కంటి సమస్యలతో బాధపడుతున్న వారికి ఉచిత సేవలు అందిపుచ్చుకోగలుగుతారని అభిప్రాయపడ్డారు. అలాగే వారి ఆరోగ్య సంక్షేమాన్ని ముందుకు తీసుకెళ్లేందుకు ఎంతో దోహదపడుతుందని తెలిపారు.ఈ కార్యక్రమంలో స్థానిక ప్రజలు పెద్ద సంఖ్యలో హాజరయ్యారు.