ఒక మహోత్సవం

జీవన పరిణామ క్రమంలో
పెట్రో మాక్స్‌ బిజిలీ వంటి
మజిలీ వృద్ధాప్యం
శాపగ్రస్త కాదు
గొంగళిపురుగు కోశస్త స్థితిలోంచి
ఎగిరి వచ్చిన సీతాకోకచిలుక
ఎవరో ప్రసాదించిన వరమూ కాదు
మిగుల పక్వానికి వచ్చిన
చెట్టు మీది పండు
అనుభవాల ఓండ్రు మట్టి
ఊసర క్షేత్రం అనుభవాల ఒండ్రు మట్టి
సారవమైన భూమి తల్లి
మంద్రంగా పారుతున్న నది
ఆనకట్ట అయి పోయి
కాలువగా పొలాల వైపు పరుగెత్తడం
పండ్లున్న చెట్టుకే రాళ్ల దెబ్బలు
ఎవరు మాటల రాయి విసిరినా
ఓర్చుకొని ఫలాలను పంచుతుంది
పరిగెత్తి పాలు తాగడం కాదు
నిలబడి రెండు దోసెలతో దూసిళ్లతో
అనంత దాహం తీర్చుకోవడం
చేతి కర్ర సమాజానికి ఊతం
కళ్లద్దాలు దృక్కోణానికి రూపం
నిలువెత్తు నికాల్సైన వ్యక్తిత్వం
మీరు వెతుక్కోగలిగితే
అతడు నడిచి వచ్చిన దారంతా
అడుగుజాడలు దొరుకుతాయి
మండే ఎండ జడివాన నుంచి
నీకు గొడుగు పడుతుంది
పుండు పుండు చలి నుంచి
నిన్ను గొంగడై కాపడం పెడుతుంది
గాయాలు తనలో ఉంచుకొని
ఎలుగెత్తి గేయాలు పంచుతుంది
ఎడారి జీవన యాత్రలో
చల్లని పరిణత ఓయాసిస్‌
ఛౌరస్తాలో స్తంభంపై నుంచి
ఎత్తి పట్టి దారి చూపే
లాంతరు కాంతి మహోత్సవం
గాయాలు తనలో లోన ఉంచుకొని
ఎలుగెత్తి గేయాలు పంచుతుంది
అనేక శారీరక ఆరోగ్య సమస్యలున్నా
ఒక ఆరోగ్య సమాజం కోసం
ఆరోగ్య సమాజం కోసం
కళ్ళల్లో వత్తులు వేసుకొని సాధడం
-జూకంటి జగన్నాథం