జేగురుపాడు పంచాయతీ కార్యదర్సికి ఉత్తమ సేవా పురస్కారం.

విశాలాంధ్ర – కడియం : కడియం మండలం జేగురుపాడు గ్రేడ్-1 పంచాయతి కార్యదర్శి అయినవిల్లి శ్రీనివాసరావుకు జిల్లా ఉత్తమ సేవా పురస్కారం లభించింది. గ్రామంలో పారిశుధ్యం, తాగునీరు, వీధిలైట్లు వంటి మౌలిక సదుపాయాల కల్పనతో పాటు పన్నుల వసూళ్లులో ఆయన చేసిన కృషికి గాను ఈ పురస్కారం దక్కింది. రాజమహేంద్రవరంలో జరిగిన స్వాతంత్ర  దినోత్సవ వేడుకల్లో రాష్ట్ర పర్యాటక, సాంస్కృతిక సినిమాటోగ్రఫీ శాఖా మంత్రి కందుల దుర్గేష్, జిల్లా కలెక్టర్ పి ప్రశాంతి, జాయింట్ కలక్టర్ చిన్నరాముడు చేతుల మీదుగా ఈ పురస్కారాన్ని శ్రీనివాసరావు అందుకున్నారు. ఈ పురస్కారం అందుకున్న శ్రీనివాసరావును ఆ గ్రామ సర్పంచ్, ఉప సర్పంచులు యాదల సతీష్ చంద్ర స్టాలిన్, పాతురి రాజేష్, ఎంపిటిసి నాగిరెడ్డి రామకృష్ణ, ఎంపీపీ వెలుగుబంటి వెంకట సత్య ప్రసాద్, ఎంపీడీవో కె రమేష్, డిప్యూటీ ఎంపీడీవో ఎన్ శ్రీనివాస్ తదితరులు అభినందించారు.