విశాలాంధ్ర వత్సవాయి : ఒకపక్క 55వ జాతీయ గ్రంథాలయ వారోత్సవాలు అట్టహాసంగా జరుపుకుంటున్నారు , మరో పక్క పలు లైబ్రరీలు శిథిలావస్థకు చేరుకొని పలు గ్రామాల్లో లైబ్రరీలు తెరువక వాటిని అసాంఘిక కార్యకలాపాలకు పలు ప్రయోజనాల కొరకు పాత వస్తువులను దాచుకునే గదులుగా ఉపయోగించుకుంటున్నారు… మండలంలోని భీమవరం మరియు దేచుపాలెం గ్రామాల్లో ఒకప్పుడు లైబ్రరీ ఉండేది అనే మాదిరిగా తయారయ్యాయి తెరుచుకొని గ్రంథాలయాలు.. ఓవైపు గ్రంథాలయాలు విజ్ఞానానికి నిలయాలని,ఎందరో మహానుభావులు గ్రంథాలయాలలోని పుస్తకాలు చదువుకొని ఉన్నత విద్యావంతులుగా ఉన్నత శిఖరాలను చేరుకున్నారని చెబుతున్నారు. మారుమూల ప్రాంతాల్లో ఉన్న నిరుపయోగంగా ఉన్న గ్రంథాలయాల గురించి పునరాలోచన ఎందుకు చేయడం లేదని ఆఆ గ్రామవాసులు చదువుకునే విద్యార్థులు తమ తమ అభిప్రాయాలను తెలుపుతున్నారు ఇప్పటికైనా ఉన్నత గ్రంథాలయ అధికారులు దీనిపై దృష్టి సారించినట్లయితే గ్రామీణ ప్రాంత యువకులకు విజ్ఞాన భాండారాలు అందుబాటులో ఉంటాయని చదువుకునే విద్యార్థిని విద్యార్థులు అంటున్నారు,ఇప్పటికైనా అధికారులు దీనిపై దృష్టి సారించాలని కోరుతున్నారు.
