దాడులు నిర్వహించిన ఎక్సైజ్ పోలీసులు

విశాలాంధ్ర ధర్మవరం : ధర్మవరం నియోజకవర్గంలోని బత్తలపల్లి, తాడిమర్రి మండలాలలో ఆకస్మికంగా దాడులు నిర్వహించడం జరిగిందని ఎక్సైజ్ సీఐ చంద్రమణి తెలిపారు. ఈ సందర్భంగా వారు మాట్లాడుతూ కర్ణాటక రాష్ట్రం మద్యం, బెల్ట్ షాపులు, నాటు సారాయి విక్రయించరాదని తెలిపారు. బత్తలపల్లి మండలం, తాడిమర్రి మండలాలలోని జిల్లా కొండయ్య పల్లెలో ఒక ముద్దాయిని అరెస్టు చేయడం జరిగిందని అతని వద్ద 20 ఆంధ్రా బాటిల్స్ ను, అదేవిధంగా రామాపురం బస్టాప్ వద్ద ఒక ముద్దాయిని అరెస్టు చేసి వారి వద్ద నుండి రెండు లీటర్ల నాటు సారాయిని స్వాధీనం చేసుకోవడం జరిగిందని తెలిపారు. అనంతరం వారి ఇరువురి మీద కేసు నమోదు చేసి రిమాండ్కు పంపడం జరిగిందని తెలిపారు. ఈసారి దాడులలో ఎస్సై నాగరాజు, చాంద్ బాషా, హెడ్ కానిస్టేబుళ్లు, కానిస్టేబుళ్లు పాల్గొన్నారు.