లింగదహాల్ లో అగ్నిప్రమాదం.. మూడు లక్షల రూపాయల నష్టం

విశాలాంధ్ర బొమ్మనహళ్,  మండలంలోని లింగదహాల్ గ్రామంలో గురువారం జరిగిన అగ్నిప్రమాదం రైతును తీవ్రంగా దెబ్బతీసింది. గ్రామానికి చెందిన ఎర్రిస్వామి అనే రైతుకు సంబంధించిన సుమారు 30 ఎకరాల పశుగ్రాసం వాము ఒక్కసారిగా మంటల్లో చిక్కుకుని పూర్తిగా కాలిబూడిదైంది. ఈ ఘటనతో రైతుకు సుమారు రూ.3లక్షల వరకు నష్టం వాటిల్లినట్టు బాధితులు తెలిపారు. పాదచారులు బీడీ తాగి పారేయడంతోనే ఈ ప్రమాదం చోటుచేసుకున్నట్లు అనుమానిస్తున్నారు. పొడిగడ్డిపై పడడంతో మంటలు వేగంగా వ్యాపించి పశుగ్రాసం మొత్తాన్ని చుట్టుముట్టాయి. మంటలు చెలరేగగానే గ్రామస్తులు తక్షణమే మంటలు ఆదుపు చేసే ప్రయత్నించారు. మంటలు అదుపుకాకపోవడంతో రాయదుర్గం ఫైర్ ఇంజన్ ను పిలిపించారు. అగ్నిమాపక సిబ్బంది మంటలను ఆర్పివేశారు. ఈ అగ్నిప్రమాదంతో పశువుల కోసం నిల్వ చేసిన పశుగ్రాసం పూర్తిగా కాలి బూడిద కావడం తో ఎర్రిస్వామి తీవ్ర ఆందోళన గురయ్యారు. బాధితుడిని అదుకోవాలని గ్రామస్తులు కోరుతున్నారు.