న్యాయవాది పై దాడికి నిరసనగా విధులకు గైర్హాజరు..

విశాలాంధ్ర, కళ్యాణదుర్గం… తిరుపతి కి చెందిన న్యాయవాది ఎ. రాజశేఖర్‌పై పుత్తూరు కోర్టు ఆవరణలో జరిగిన దాడికి నిరసనగా మంగళవారం కళ్యాణదుర్గం న్యాయవాదులు కోర్టు విధులకు గైర్హాజయ్యారు. రాష్ట్రవ్యాప్తంగా న్యాయవాదుల రక్షణ చట్టం అమలు చేయాలని ప్రభుత్వాన్ని అభ్యర్థించారు. పుత్తూరు కోర్టు ఆవరణలో జరిగిన ఈ దాడి ఘటనపై తీవ్ర ఆగ్రహం వ్యక్తం చేశారు, న్యాయవాదుల భద్రతకు తక్షణ చర్యలు తీసుకోవాలని కోరారు. ఈ కార్యక్రమంలో కళ్యాణదుర్గం బార్ అసోసియేషన్ అధ్యక్షులు జి.పార్ధసారధి చౌదరి, కార్యదర్శి కె.శ్రీనివాసులు, కోశాధికారి బి.తిప్పేస్వామి, ఉపాధ్యక్షులు రామాంజనేయులు, న్యాయవాదులు వెంకటేశులు, కరణం తిప్పేస్వామి, దేవేంద్ర, పరిపూర్ణావతి, , హరి చక్రవర్తి, పట్టాభి, రవికుమార్, ముత్యాలప్ప, ఎర్రిస్వామి, దిలీప్, నారా హనుమంతరాయుడు, రామాంజనేయులు తదితర న్యాయవాదులు పాల్గొన్నారు.