హర్యానా రాష్ట్రంలోని ఫరీదాబాద్లో ఒక హృదయ విదారక ఘటన చోటు చేసుకుంది, ఇది సమాజాన్ని తీవ్రంగా షాక్లో పెట్టింది. హోమ్ స్కూలింగ్ సెషన్లో నాలుగేళ్ల చిన్నారి ప్రాణాలు కోల్పోయింది. చిన్నారి 1 నుంచి 50 వరకు అంకెలను రాయలేకపోవడమే తండ్రి కోపానికి కారణమై, తాను ఆమెను కొట్టి చంపినట్లు పోలీసులు తెలిపారు.వివరాల్లోకి వెళితే.. ఉత్తర్ప్రదేశ్లోని సోన్భద్ర జిల్లా ఖేరతియా గ్రామానికి చెందిన కృష్ణ జైస్వాల్, కుటుంబంతో కలిసి ఫరీదాబాద్లో అద్దె ఇంట్లో నివసిస్తున్నారు. జైస్వాల్, అతని భార్య ఇద్దరూ ప్రైవేట్ కంపెనీల్లో ఉద్యోగాలు చేస్తున్నారు. పగటిపూట తల్లి పని చేస్తుండగా, తండ్రి ఇంట్లో పిల్లలను పర్యవేక్షించేవాడు, ముఖ్యంగా కుమార్తె చదువును చూస్తుంటాడు.
జనవరి 21వ తేదీన జైస్వాల్ తన నాలుగేళ్ల కుమార్తెకు 1 నుంచి 50 వరకు అంకెలు రాయమని ఆదేశించాడు.చిన్నారి ఆ పని పూర్తి చేయలేకపోయిన కారణంగా తండ్రి కోపంతో దాడి చేసి గాయపరిచాడు. ఈ దాడి కారణంగా చిన్నారి తీవ్రంగా గాయపడి, చివరకు ప్రాణాలు కోల్పోయింది. సాయంత్రం తల్లి ఇంటికి తిరిగి వచ్చి, కుమార్తె అచేతనంగా పడి ఉండటాన్ని గమనించింది. వెంటనే పోలీసులకు సమాచారం అందించారు. సంఘటన స్థలానికి చేరుకున్న పోలీసులు చిన్నారి మృతదేహాన్ని స్వాధీనం చేసుకున్నారు.
తండ్రిని రిమాండ్ కు తరలించిన పోలీసులు
తన ప్రవర్తనకు కారణమైన తండ్రిని అదుపులోకి తీసుకొని రిమాండ్కు తరలించారు.
ఫరీదాబాద్ పోలీస్ ప్రతినిధి మాట్లాడుతూ, ఈ ఘటనపై కేసు నమోదు చేసి నిందితుడిని రిమాండ్లో విచారించామని, పోస్టుమార్టం అనంతరం మృతదేహాన్ని కుటుంబ సభ్యులకు అప్పగించామని తెలిపారు.
చిన్నారిపై చదువు ఒత్తిడితో జరిగిన ఈ విషాద ఘటన సమాజానికి తీవ్ర షాక్ను అందిస్తోంది.
పిల్లలపై తల్లిదండ్రులు చూపాల్సిన ప్రేమ, సహనం ఎంత ముఖ్యమో ఈ ఘటన మరోసారి గుర్తు చేస్తోంది.
