చిన్నతుంబలంలో ఉచిత పశు వైద్య శిబిరం

విశాలాంధ్ర – పెద్దకడబూరు :మండల పరిధిలోని చిన్నతుంబలం గ్రామంలో పశుసంవర్ధక శాఖ ఆధ్వర్యంలో గురువారం ఉచిత పశు వైద్య శిబిరం నిర్వహించారు. ఈ సందర్భంగా పశు వైద్యాధికారిని జ్యోత్స్న మాట్లాడుతూ పశువులకు సోకే అన్ని రకాల జబ్బులకు వైద్య పరీక్షలు నిర్వహించి టీకాలు వేయడం జరుగుతుందన్నారు. కావున పాడి రైతులు ఈ అవకాశాన్ని సద్వినియోగం చేసుకోవాలని కోరారు. అనంతరం పాడి రైతులకు మందులను ఉచితంగా పంపిణీ చేశారు. ఈ కార్యక్రమంలో టీడీపీ నాయకులు వీరేష్ గౌడ్,చంద్రశేఖర్, నారాయణ, గ్రామస్తులు పాల్గొన్నారు.