తరతరాలు గుర్తు ఉంచుకోవాల్సిన మహనీయుడు గాంధీజీ.. కరెస్పాండెంట్ భాస్కర్ రెడ్డి

విశాలాంధ్ర ధర్మవరం::మన దేశ స్వతంత్ర పోరాట దశను మార్చి, స్వాతంత్ర్యం సాధనకు అనేక మందిని ప్రభావితం చేసి, భారతదేశానికి స్వాతంత్ర్యం రావటంలో తన వంతు కృషి చేసిన మహనీయుడు గాంధీజీ అని శ్రీ వివేకానంద డిగ్రీ కళాశాల కరస్పాండెంట్ భాస్కర్ రెడ్డి,డైరెక్టర్ బాలం లక్ష్మీనారాయణ రెడ్డి, ప్రిన్సిపాల్ కరణం హర్షవర్ధన్ పేర్కొన్నారు. ఈ సందర్భంగా మహాత్మా గాంధీ వర్ధంతి సందర్భంగా స్థానిక శ్రీ వివేకానంద డిగ్రీ కళాశాలలో గాంధీ చిత్రపటానికి పూలమాలలు వేసి నివాళులర్పించారు. అనంతరం వారు మాట్లాడుతూ రాబోయే తరాలు స్వాతంత్ర్య పోరాట గాథలు మరిచిపోకుండా, స్వాతంత్ర్య సమర యోధుల స్ఫూర్తిని అందరికీ తెలియజేయాలని విద్యార్థులకు వారు పిలుపునిచ్చారు. కార్యక్రమంలో కళాశాల ఇన్చార్జి రమేష్, అధ్యాపకులు, విద్యార్థిని, విద్యార్థులు పాల్గొన్నారు.