చాలామంది 18 ఏళ్ల వయసులో కళాశాల జీవితంలో అడుగుపెడుతుంటే, అమెరికాకు చెందిన ఓ యువకుడు అదే వయసులో కళాశాల విద్యార్థులకు పాఠాలు బోధించే ప్రొఫెసర్గా గుర్తింపు పొందాడు.
అంతేకాదు, ప్రపంచంలోనే అతి పిన్న వయసు పురుష ప్రొఫెసర్గా గిన్నిస్ వరల్డ్ రికార్డ్స్లో స్థానం సంపాదించి, మూడు శతాబ్దాలకుపైగా కొనసాగిన అరుదైన రికార్డును చెరిపేశాడు. అమెరికాకు చెందిన నాథన్ థామస్ కేవలం 18 ఏళ్ల 346 రోజుల వయసులోనే ప్రపంచంలోనే అతి పిన్న వయసు పురుష ప్రొఫెసర్గా గిన్నిస్ వరల్డ్ రికార్డ్స్లో చోటు దక్కించుకున్నాడు. ఈ ఘనతతో 306 ఏళ్లుగా కొనసాగుతున్న రికార్డును అధిగమించి చరిత్ర సృష్టించాడు. ఇంతకాలం ఈ రికార్డు స్కాట్లాండ్కు చెందిన ప్రముఖ గణిత శాస్త్రవేత్త కొలిన్ మెక్లారిన్ పేరిట ఉండేది.
19 ఏళ్ల వయసులో ప్రొఫెసర్గా స్కాట్లాండ్కు చెందిన కొలిన్ మెక్లారిన్
ఆయన 1717లో 19 ఏళ్ల వయసులో ప్రొఫెసర్గా నియమితులై ప్రపంచ రికార్డు నెలకొల్పారు. ఇప్పుడు ఆ ఘనతను నాథన్ థామస్ అధిగమించి కొత్త చరిత్ర రాశాడు.నాథన్ విద్యా ప్రస్థానం కూడా ఎంతో ప్రత్యేకం. కేవలం పదేళ్ల వయసులోనే డ్యూయల్ ఎన్రోల్మెంట్ కార్యక్రమం ద్వారా మయామి డేడ్ కాలేజీలో చేరాడు.పాఠశాల విద్యతో పాటు కళాశాల చదువును సమాంతరంగా కొనసాగించాడు.అనంతరం 14 ఏళ్లకే ఫ్లోరిడా ఇంటర్నేషనల్ యూనివర్సిటీలో ప్రవేశం పొంది ఎలక్ట్రికల్ ఇంజినీరింగ్లో డిగ్రీతో పాటు మాస్టర్స్ను కూడా పూర్తి చేశాడు.చదువు పూర్తి చేసిన తర్వాత తాను విద్యార్థిగా అభ్యసించిన మయామి డేడ్ కాలేజీలోనే అధ్యాపకుడిగా చేరాడు.
ప్రస్తుతం న్యాయ విద్య కూడా అభ్యసిస్తున్న నాథన్
2023 ఆగస్టు నుంచి ఇంజినీరింగ్ విద్యార్థులకు ఃసి ఫర్ ఇంజినీర్స్ః కోర్సును బోధిస్తున్నాడు.తన వయసుకు దగ్గరగా ఉన్న విద్యార్థులకు బోధించడం ఎప్పుడూ సవాలుగా అనిపించలేదని నాథన్ తెలిపాడు.నేర్చుకోవడానికి వయసు ఎప్పుడూ అడ్డంకి కాదని, ఆసక్తి, కృషి, అంకితభావం ఉంటే ఎవరైనా ఉన్నత శిఖరాలను చేరుకోవచ్చని పేర్కొన్నాడు.ఇంజినీరింగ్ రంగంలోనే కాకుండా న్యాయ విద్యలోనూ నాథన్ తన ప్రయాణాన్ని కొనసాగిస్తున్నాడు.ప్రస్తుతం మయామి యూనివర్సిటీ లా స్కూల్లో జ్యూరిస్ డాక్టర్ డిగ్రీ అభ్యసిస్తున్నాడు. ఈ కోర్సును 2028లో పూర్తి చేసే అవకాశం ఉంది. భవిష్యత్తులో మేధో సంపత్తి హక్కులు విభాగంలో న్యాయ నిపుణుడిగా రాణించడమే తన లక్ష్యమని వెల్లడించాడు.
