అహ్మదాబాద్ విమాన ప్రమాద నివేదికపై  పైలట్ల సంఘం ఆందోళన

అహ్మదాబాద్‌లో గత నెల 12న జరిగిన ఎయిర్ ఇండియా విమాన ప్రమాదంపై విమాన ప్రమాదాల దర్యాప్తు సంస్థ (ఏఏఐబీ) ప్రాథమిక నివేదిక విడుదల చేసింది. విమానం టేకాఫ్ తర్వాత ఇంధన స్విచ్‌లు ఆగిపోవడంతో రెండు ఇంజిన్లు ఆగిపోయాయని అందులో పేర్కొంది. ఈ ప్రమాదంలో 241 మంది ప్రయాణికులు, కిందనున్న మరో 19 మంది మరణించారు. కాక్‌పిట్ రికార్డింగ్‌లో ఒక పైలట్ మరో పైలట్‌ను “ఇంధనం స్విచ్‌లు ఎందుకు ఆపావు?” అని అడగగా, మరొకరు “నేను ఆపలేదు” అని సమాధానం చెప్పినట్టు నివేదిక తెలిపింది.

ఈ నివేదికపై పైలట్ల సంఘం అసంతృప్తి వ్యక్తం చేసింది. ఏఏఐబీ ప్రాథమిక నివేదికలో వెల్లడించిన విషయాలపై ద ఫెడరేషన్ ఆఫ్ ఇండియన్ పైలట్స్ (ఎఫ్ఐపీ) ఆందోళన వ్యక్తం చేసింది. విచారణ కమిటీలో పైలట్లకు చోటు కల్పించకపోవడం అసంతృప్తి వ్యక్తం చేసింది. ప్రాథమిక నివేదికను బహిరంగంగా అందుబాటులో ఉంచడంపై అభ్యంతరం వ్యక్తం చేసింది.