నవవధువులను ఆశీర్వదించిన ఎమ్మెల్యే

అనంతపురం జిల్లా, విశాలాంధ్ర-తాడిపత్రి: మండలంలోని రావి వెంకటం పల్లి గ్రామంలో ఉన్న ఆండ్ర నాంచారమ్మ కళ్యాణ మండపంలో శుక్రవారం ఎర్రగుంటపల్లి గ్రామ సర్పంచ్, మాజీ మార్కెట్ యార్డ్ వైస్ చైర్మన్ యుగంధర్ కుమారుడి వివాహ శుభకార్యమునకు ఎమ్మెల్యే జెసి. అస్మిత్ రెడ్డి హాజరయ్యారు. ఎమ్మెల్యే జెసి. అస్మిత్ రెడ్డిని పురోహితుడు మంత్రోచ్ఛారణతో భాజా, భజంత్రీలు, మేళ, తాళాలతో సాదరంగా ఆహ్వానించారు. ఎమ్మెల్యే జెసి. అస్మిత్ రెడ్డి నవ వధువులను తలంబ్రాలు వేసి నిండు నూరేళ్లు, పిల్లాపాపలతో, ఆయురారోగ్యాలతో వర్ధిల్లాలని ఆశీర్వదించారు. అనంతరం నవ వధువులకు పెళ్లి కానుకగా దుస్తులను అందజేశారు. ఈ కార్యక్రమంలో తెలుగుదేశం నాయకులు, కార్యకర్తలు, జెసి అభిమానులు పాల్గొన్నారు.