జేఎస్‌డబ్ల్యు ఎంజీ మోటార్ ఇండియా తొలి డీ ప్లస్ ‘ఎంజి మేజెస్టర’ కోసం ప్రత్యేక ప్రోగ్రామ్

ముంబయి: జేఎస్‌డబ్ల్యు ఎంజీ మోటార్ ఇండియా తన ప్రత్యేక 5-5-5 యాజమాన్య కార్యక్రమం ద్వారా భారతదేశపు తొలి డీ ప్లస్ ఎస్‌యూవీ ఎంజీ మేజెస్టర్ కోసం దీర్ఘకాలిక భరోసాను వినియోగదారులకు అందిస్తోంది. పనితీరు, విస్తారమైన పరిమాణం, అత్యాధునిక సాంకేతికతలో గణనీయమైన పెట్టుబడులు పెట్టే ఈ విభాగంలో, 5-5-5 కార్యక్రమం ప్రారంభ దశ నుంచే నిర్వహణ ఖర్చులు, నిరంతర సేవలు మరియు దేశవ్యాప్తంగా మద్దతును సమగ్రంగా కవర్ చేస్తూ, ఇబ్బంది లేని యాజమాన్య అనుభవం, దీర్ఘకాలిక వ్యయ అంచనాను అందించడానికి రూపొందింది. స్వతంత్ర వారంటీ పొడిగింపులు లేదా ఐచ్ఛిక సేవా ప్యాకేజీలకు భిన్నంగా, 5-5-5 ప్రతిపాదనను సమగ్ర, ప్రామాణిక యాజమాన్య పరిష్కారంగా రూపొందించారు. ఇందులో 5 సంవత్సరాల అపరిమిత కిలోమీటర్ల వారంటీ, అపరిమిత కిలోమీటర్లకు 5 సంవత్సరాల ఉచిత రోడ్‌సైడ్ అసిస్టెన్స్, అలాగే 5 లేబర్-ఫ్రీ సేవలు ఒకే ప్యాకేజీగా అందుబాటులో ఉంటాయి. వినియోగదారుల దృష్టిలో ఇది వారంటీపై కిలోమీటర్ పరిమితి లేకపోవడం, దేశవ్యాప్తంగా ఐదు సంవత్సరాల పూర్తి బ్రేక్డౌన్ మద్దతు, యాజమాన్య ప్రారంభ దశలోనే సేవా ఖర్చులను గణనీయంగా తగ్గించే అవకాశాన్ని సూచిస్తుందని జేఎస్‌డబ్ల్యూ ఎంజీ మోటర్ ఇండియా కే చీఫ్ కమర్షియల్ ఆఫీసర్, వినయ్ రైనా తెలిపారు.