ఏపీలో పలు జిల్లాలకు ఆరెంజ్‌ అలర్ట్‌.. పిడుగులతో కూడిన వర్షాలు

ఏపీలో పలు జిల్లాలకు వాతావరణ శాఖ ఆరెంజ్‌ అలర్ట్‌ జారీ చేసింది. రానున్న మూడు గంటల్లో పిడుగులతో కూడిన మోస్తరు నుంచి తేలికపాటి వర్షాలు కురిసే అవకాశం ఉందని ఏపీ రాష్ట్ర విపత్తు నిర్వహణ సంస్థ హెచ్చరించింది. విజయనగరం , అల్లూరి సీతారామరాజు, విశాఖపట్నం, అనకాపల్లి జిల్లాలకు అక్కడక్కడ వర్షాలు పడుతాయని తెలిపింది.గజపతినగరం, శృంగవరపుకోట, భీమునిపట్నం పరిసిర ప్రాంతాల ప్రజలు మరింత జాగ్రత్తగా ఉండాలని సూచించింది. అన్నమయ్య, శ్రీసత్యసాయి, తిరుపతి, చిత్తూరు , అనంతపురం జిల్లాలకు ఎల్లో అలర్ట్‌ ప్రకటించింది. ఈ ప్రాంతాల్లో తేలికపాటి నుంచి చెదురుముదురు వర్షాలతో పాటు పిడుగులు పడే అవకాశముందని వెల్లడించింది. వర్షాలు, పిడిగులు పడే సమయంలో సురక్షిత ప్రాంతాల్లో ఆశ్రయం పొందాలని స్పష్టం చేసింది.