అమెజాన్ ద్వారా రన్నరేఖ ఉత్పత్తుల హల్ చల్

బెంగళూరు: భారతదేశం జాతీయ చేనేత దినోత్సవాన్ని జరుపుకుంటున్న ఈ సందర్భంలో, గుజరాత్‌కు చెందిన రన్నరేఖ హ్యాండీక్రాఫ్ట్స్‌ వంటి హస్తకళా ఆధారిత సంస్థలు, అమెజాన్ ఇండియా ద్వారా హైదరాబాద్ వంటి నగరాల్లో వందల కిలోమీటర్ల దూరంలో ఉన్న వినియోగదారులను చేరుకుంటున్నాయి. తద్వారా డిజిటల్ వాణిజ్యం ద్వారా శాశ్వతమైన సంప్రదాయాలను కొత్త వినియోగదారులకు అందిస్తున్నాయి. పోచంపల్లి ఇక్కత్ వంటి సంప్రదాయాలకు ప్రసిద్ధి చెందిన విస్తృత తెలంగాణ ప్రాంతమైన హైదరాబాద్ వంటి నగరంలో, వినియోగదారులు డిజిటల్ కామర్స్ ద్వారా సూఫ్ ఎంబ్రాయిడరీ నుంచి పటోలా, తంగలియా నేత వరకు గుజరాత్ హస్తకళా వారసత్వాన్ని ఎక్కువగా ఇష్టపడుతూ, ఆదరిస్తున్నారు. నీరజ్ అమ్రభాయ్ చౌహాన్ నెలకొల్పిన ‘రన్నరేఖ హ్యాండీక్రాఫ్ట్స్‌’కు, మహిళల ఆర్థిక సాధికారతపై దృష్టి సారించిన లాభాపేక్షలేని సంస్థ ‘సంవర్ధన్ ఫౌండేషన్’ మద్దతు ఇస్తోంది. గుజరాత్ మహిళా కళాకారిణుల అసాధారణమైన హస్తకళా నైపుణ్యాన్ని, విస్తృత మార్కెట్‌లను చేరుకోవడంలో వారు ఎదుర్కొంటున్న సవాళ్లను ప్రత్యక్షంగా చూసిన నీరజ్ అనుభవం నుంచి ఇది ప్రారంభమైంది. నేడు, ‘రన్నరేఖ హ్యాండీక్రాఫ్ట్స్‌’ రాష్ట్రవ్యాప్తంగా దాదాపు 700 నుంచి 800 మంది మహిళా కళాకారిణులతో కలిసి పనిచేస్తోంది. నైపుణ్యాభివృద్ధి, డిజైన్ ఆవిష్కరణ, నాణ్యత పెంపు, డిజిటల్ అక్షరాస్యత, మార్కెట్ అనుసంధానాలపై దృష్టి సారించిన కార్యక్రమాల ద్వారా వారికి మద్దతు అందిస్తోంది. ఈ బ్రాండ్ సేకరణలలో చేతితో తయారు చేసిన హ్యాండ్బ్యాగులు, ఫ్యాషన్ ఉపకరణాలు, గృహాలంకరణ వస్తువులు, వస్త్రాలు, ప్రత్యేకంగా తయారు చేసిన బహుమతి ఉత్పత్తులు ఉన్నాయి. వీటిలో సూఫ్ ఎంబ్రాయిడరీ, పటోలా, జీఐ-ట్యాగ్ ఉన్న తంగలియా నేత, అప్లిక్, ప్యాచ్వర్క్, మిర్ర్ర వర్క్ వంటి సాంప్రదాయ పద్ధతులను ఉపయోగించారు.