మద్యం సేవించి వాహనాలు నడపరాదు

.. ఎస్ ఐ మరిడి నాయుడు

విశాలాంధ్ర వలేటివారిపాలెం : మధ్యం సేవించి వాహనాలు నడపరాదని, బాధ్యత కలిగిన వారుగా వాహనాన్ని నడిపి ప్రమాద రహితంగా నిలవాలని వలేటివారిపాలెం ఎస్ ఐ మరిడి నాయుడు అన్నారు. శుక్రవారం ఉదయం వలేటివారిపాలెం ఆంజనేయస్వామి దేవస్థానం సమీపంలో వాహనాలను తనిఖీ చేశారు.హెల్మెట్, లైసెన్స్ మరియు వాహనాలకు సరియైన పత్రాలు లేనివారికి జరిమానా విధించారు. ఈ సందర్బంగా ఎస్ ఐ మరిడి నాయుడు మాట్లాడుతూ ద్విచక్ర వాహనదారులు హెల్మెట్లు వాహనదారులు సీటు బెల్ట్ ధరించాలని అన్నారు. మైనర్లకు వాహనాలు ఇవ్వరాదని అన్నారు. రోడ్డు భద్రత నియమాలు పాటించని వారిపై కఠిన చర్యలు తీసుకుంటామని అన్నారు.అనంతరం రోడ్డు భద్రత నియమాలపై వాహనదారులకు అవగాహన కల్పించారు. ఈ కార్యక్రమంలో హెడ్ కానిస్టేబుల్ శ్రీనివాసరాజు, పోలీస్ సిబ్బంది తదితరులు పాల్గొన్నారు.