సుభాష్ చంద్రబోస్ అడుగుజాడల్లో అందరూ నడవాలి.. కరెస్పాండెంట్ సివి శేషు

విశాలాంధ్ర ధర్మవరం:; నేతాజీ సుభాష్ చంద్రబోస్ అడుగుజాడల్లో యువతతో పాటు అందరూ నడవాలని బ్రిలియంట్ ఇంగ్లీష్ మీడియం హై స్కూల్ కరెస్పాండెంట్, హెడ్మాస్టర్ సివి శేషు తెలిపారు. ఈ సందర్భంగా పాఠశాలలో సుభాష్ చంద్రబోస్ జయంతి వేడుకలను విద్యార్థులు, ఉపాధ్యాయులు నడుమ ఘనంగా నిర్వహించుకున్నారు. తొలుత సుభాష్ చంద్రబోస్ చిత్రపటానికి పూలు వేసి ఘనంగా వారు నివాళులర్పించారు. అనంతరం సివి శేషు మాట్లాడుతూ శుభాష్ అని, మాతృభూమి దాస్య శ్రుంకలాలను తుంచ డానికి ఆనాటి అత్యున్నత సర్వీస్ అయినా ఐపీఎస్ ను తృణప్రాయంగా చదివించిన ఘనుడు నేతాజీ సుభాష్ చంద్రబోస్ అని తెలిపారు. భారతీయులను బానిసలుగా చూస్తున్న ఆంగ్లేయులను ఈ దేశం నుండి ఈ గడ్డి వేయడానికి సాయుధ పోరాటమే శరణ్యమని భావించిన యోధుడు సుభాష్ చంద్రబోస్ అని తెలిపారు. చలో ఢిల్లీ జైహింద్ అనే నినాదానాలను జాతికి అందించిన భారతమాత ముద్దుబిడ్డ సుభాష్ చంద్రబోస్ అని తెలిపారు. భారతదేశ స్వాతంత్రమే మన జీవన ధ్యేయము అని దానికోసం సర్వం అర్పించడానికి మనమంతా సిద్ధంగా ఉండాలని వారు ఉద్బోధించడం జరిగిందని తెలిపారు. ఐపీఎస్ ఉద్యోగానికి రాజీనామా చేస్తూ తన అన్నకు రాసిన ఉత్తరంలో నేను ఆంగ్లేయుల సేవ చేయడమా? అసంభవం అని తెలుపుతూ క్రూరులైన నిర్ధాయులైన జలియన్వాలాబాగ్ హంతకులైన ఆంగ్లేయులకు నేను సహకరించడమా? అంటూ సమర రంగంలోనికి ప్రవేశించి దేశానికి స్వాతంత్రం లభించేదాకా పోరాటమే దేశం పట్ల మన కర్తవ్యం అవుతుందని తెలిపారు. ఈ కార్యక్రమంలో పలువురు విద్యార్థులు సుభాష్ చంద్రబోస్ గూర్చి మాట్లాడారు. ఈ కార్యక్రమంలో పాఠశాల విద్యార్థులు, ఉపాధ్యాయులు తదితరులు పాల్గొన్నారు.