వేరుశనగ పంట లో మచ్చ తెగులు ఎక్కువ ఆశించినట్లు గుర్తించడం జరిగింది

పంట పొలాలను పరిశీలించిన అగ్రికల్చర్ ఆఫీసర్ ముస్తఫా
విశాలాంధ్ర ధర్మవరం ; మండల వ్యవసాయ అధికారి ముస్తఫా నాగలూరు గ్రామంలో వేరుశనగ పంట పొలాలను పరిశీలించడం జరిగింది. అనంతరం వారు మాట్లాడుతూ ప్రస్తుత వాతావరణ పరిస్థితుల్లో వేరుశనగ పంట లో మచ్చ తెగులు ఎక్కువ ఆశించినట్లు గుర్తించడం జరిగింది అని, లేత దశలో ఆకుమచ్చ ఆశించిన పైరుకు సాఫ్(కార్బండజిమ్ 12 శాతము +మ్యాంకొజెబ్63 శాతము) రెండు గ్రాములు లీటర్ నీటికి కలిపి వేపిచికారి చేసుకోవాల్సిందిగా సూచించడం జరిగిందన్నారు.అలాగే ముదురుదశలో ఉన్న వేరుశనగ పైరులో మచ్చ తెగులు నివారణ కోసం అజాక్సి స్ట్రోబిన్ 11 శాతం+టుబుకొనజోల్ 18.3 శాతము రెండు యం. యల్. లీటరు నీటికి కలుపుకుని పిచికారి చేసుకోవాల్సిందిగా రైతులకు తెలియజేశారు. అలాగే పూత దశలో ఉన్న వేరుశనగ పంటకు 200 కేజీలు జిప్సం వేసుకోవాల్సిందిగా తెలియజేశారు. దీనివలన కాయ నాణ్యత పెరిగి నూనె శాతం వృద్ధి చెందుతుంది అని తెలిపారు.
మద్దతు ధర రూ 7550/- లేదా మార్కెట్ ధరతో ప్రభుత్వం కందులు కొనుగోలు చేసే కార్యక్రమం జరుగుతోంది అని తెలిపారు. కావున కంది సాగు చేసిన రైతులందరూ రైతు సేవ కేంద్రంలో పేర్లు నమోదు చేసుకోవాల్సిందిగా సూచించడం జరిగింది అని తెలిపారు.ఈ కార్యక్రమం లో రైతులు , గ్రామ ఉద్యాన సహాయకుడు సాయి చరిత్ తదితరులు పాల్గొన్నారు.