బ్యాంకు మరింత అభివృద్ధి చెందాలి

అనంత ఎంపీ అంబికా లక్ష్మీనారాయణ
విశాలాంధ్ర -అనంతపురం : ది గుత్తి కో-ఆపరేటివ్ టౌన్ బ్యాంక్ మరింత అభివృద్ధి చెందాలని అనంతపురం ఎంపీ అంబికా లక్ష్మీనారాయణ పేర్కొన్నారు. సోమవారం అనంతపురం నగరంలోని విద్యుత్ నగర్ సర్కిల్లో ఉన్న యస్.జె. టవర్స్ మొదటి అంతస్తులో ది గుత్తి కో-ఆపరేటివ్ టౌన్ బ్యాంక్ లిమిటెడ్ నాల్గవ శాఖని ఎంపీ ప్రారంభించారు. ఈ సందర్భంగా ఎంపీ మాట్లాడుతూ బ్యాంకు ద్వారా పేద ప్రజలకు మంచి సేవలు అందించాలని కోరుకుంటున్నామన్నారు. ఈ కార్యక్రమంలో ఎమిరిటీస్ విశాఖపట్నం కో-ఆపరేటివ్ బ్యాంక్ లిమిటెడ్ చైర్మన్ మరియు మాజీ ఎమ్మెల్యే మానం ఆంజనేయులు, ది గుత్తి కో-ఆపరేటివ్ టౌన్ బ్యాంక్ లిమిటెడ్ అధ్యక్షులు షేక్ అబ్దుల్ జిలాని, డిసిఓ అరుణకుమారి, న్యాఫ్కబ్ డైరెక్టర్ సిహెచ్ రాఘవేంద్రరావు, తదితరులు పాల్గొన్నారు.