జాతీయ స్థాయి జూడో పోటీలకు చిగిచెర్ల ఉన్నత పాఠశాల విద్యార్థులు

విశాలాంధ్ర ధర్మవరం ; జాతీయస్థాయి జూడో పోటీలకు ధర్మవరం మండలంలోని చిగిచెర్ల ఉన్నత పాఠశాల విద్యార్థులు ఎంపిక కావడం జరిగిందని హెడ్మాస్టర్ తిమ్మారెడ్డి, ఫిజికల్ డైరెక్టర్ ప్రతాప్ రెడ్డి తెలిపారు. ఈ సందర్భంగా వారు మాట్లాడుతూ నవంబర్ 28 తేదీ నుండి 30 వరకు చిగిచెర్ల ఉన్నత పాఠశాలలో జరిగిన అండర్ 14 రాష్ట్ర స్థాయి పోటీలలో బంగారు పతకం సాధించిన కావ్య, సంజన ,వీక్షిత్ లు ముగ్గురు లూథియానా లో ఈనెల 6 వ తేదీ నుండి జరిగే జాతీయ స్థాయి జూడో పోటీలకు ఆంధ్ర ప్రదేశ్ రాష్ట్రం తరుపున +44 కేజీల విభాగంలో కావ్య శ్రీ, -27 కేజీల విభాగంలో సంజన,-30 కేజీల విభాగంలో వీక్షిత్ పాల్గొననున్నారు అని తెలిపారు. వీరిని పాఠశాల హెడ్ మాస్టర్ తిమ్మారెడ్డి, పిడి ప్రతాపరెడ్డి, పాఠశాల ఉపాధ్యాయులు, పాఠశాల కమిటీ, తల్లిదండ్రులు, పాఠశాల విద్యార్థులు అభినందన శుభాకాంక్షలు తెలియజేశారు.