భూ సేకరణతో చేసి రైతులకు పుంత రోడ్డు నిర్మించాలి

విశాలాంధ్ర – సీతానగరం: భూ సేకరణతో చేసి రైతులకు పుంత రోడ్డు ఏర్పాటు చేయాలని రెండు వేల ఎకరాలకు చెందిన రైతులు కోరుతున్నారు. మండలంలో చీపురుపల్లి గ్రామ పంచాయతీ పరిధిలో చీపురుపల్లి, చినకొండేపూడి ప్రధాన రహదారి నుంచి 0.42 కిమి దాటిన తరువాత పుంత రోడ్డు ఉందని ఈ పుంత రోడ్డు రాపాక కోటికేశవరం రోడ్డుకు కలుస్తుంది అన్నారు. ఈ పుంత రోడ్డు రెండు వేల ఎకరాలకు చెందిన 800 మంది రైతులు లబ్ది పొందుతారు అని కోనే ప్రభాకర్, బల్లాని శ్రీను, నాగారపు సత్యనారాయణ, ముదునూరి సూర్పరాజు, దోనే రాంబాబు నల్లమోలు వీరబాబు తదితర రైతులు విజ్ఞప్తి చేసారు. ఈ సందర్భంగా రైతులు మాట్లాడుతూ ఖరీష్, దాళ్వా సీజన్ లలో ఎరువులు తీసుకొని వెళ్ళాలన్నా, చేతికి ఉచ్చిన పంట తెచ్చుకోవలి అన్నా రైతులు తీవ్ర ఇబ్బందులకు పడుతున్నారు అని అన్నారు ఈ పుంత రోడ్డుకు చీపురుపల్లి రోడ్డు నుంచి ఈ పుంత రోడ్డుకు లింకు లేదని ఇది రోడ్డు నుంచి 0.42 కి.మీ అనగా పది ఎకరాల పొడవు ఉంటుందని ఆ రైతులు నష్టపరిహారం ఇస్తే ఇవ్వడానికి సిద్ధంగా ఉన్నారని అని అన్నారు. దీనికి గాను య.0.75 సెoట్లు భూసేకరణ ఆవశరం అవుతుందన్నారు. ఈ భూసేకరణకు 30 నుంచి 40 లక్షల రూపాయలు అవసరం అవుతుందని అని అన్నారు. ఈ పుంత రోడ్డు ఏర్పాటుకు అధికారులు, నాయకులు ఒక సారి క్షుణ్ణంగా పరిశీలించి రైతులకు పుంతరోడ్డు మంజూరు చేసి రైతుల ఇబ్బందులు తొలగించాలని కోరుతున్నారు ఇదే సమస్య పై జిల్లా కలెక్టర్ కు సైతంవినతి పత్రం సమర్పించడం జరిగింది అని అన్నారు.