బంగ్లాదేశ్లో హిందువులపై వరుస దాడులు జరుగుతున్న నేపథ్యంలో ఉద్రిక్త పరిస్థితులు నెలకొన్నాయి.
ఈ పరిస్థితిలో బంగ్లాదేశ్ క్రికెటర్ ముస్తాఫిజుర్ రెహమాన్ను ఐపీఎల్ 2026 మినీ వేలంలో రికార్డు ధర రూ.9.2 కోట్లకు కోల్కతా నైట్ రైడర్స్ దక్కించుకోవడంపై విమర్శలు వెల్లువెత్తుతున్నాయి.
ఈ అంశంపై కాంగ్రెస్ ఎంపీ శశి థరూర్ స్పందించారు. బంగ్లాదేశ్లో మైనార్టీలపై దాడులకు క్రికెట్ను ముడిపెట్టకూడదు.కానీ ఆ దేశంలో మైనార్టీలపై దాడులు ఆగేలా చర్యలు తీసుకోవాలని మేము వారి ప్రభుత్వాన్ని కోరుతున్నాం. ముస్తాఫిజుర్ రెహమాన్ ఒక క్రికెటర్ మాత్రమే. అతడికి, ఈ దాడులకు ఏ విధమైన సంబంధం లేదు. ఐపీఎల్లో అతడి ఎంపిక, దేశంలో జరుగుతున్న దాడులు – వీటిని కలిపి చూడటం సరైనది కాదని చెప్పారు.
బీజేపీ నేతలు బీసీసీఐని ప్రశ్నించాలి
క్రీడలు, రాజకీయాలను మిశ్రమం చేయొద్దు. పొరుగుదేశాల వారిని దూరం ఉంచడం కదా, వారితో ఆడకుండా ఉండటం ఎలా సముచితం అవుతుంది? మనం బంగ్లాదేశ్తో మూడు వైపులా వ్యాపించి ఉన్నాం. కాబట్టి వారితో క్రీడా సంబంధాలను కొనసాగించాల్సిందేనని ధృవీకరించారు.
ఇదే విషయంలో కాంగ్రెస్ నేత, కర్ణాటక మంత్రి ప్రియాంక్ ఖర్గే ఎక్స్ వేదికపై మాట్లాడుతూ బీజేపీ నాయకులు బంగ్లాదేశ్ ఆటగాడిని ఐపీఎల్లో తీసుకోవడంపై ఫ్రాంచైజీని తప్పుపడుతున్నారు.
విదేశీ ఆటగాళ్లు ఈ లీగ్లో ఆడే విధానం బీసీసీఐ, ఐపీఎల్ నిబంధనలు ప్రకారం జరుగుతోంది. ఫ్రాంచైజీలను విమర్శించాల్సిన అవసరం లేదు, బీజేపీ నేతలు బీసీసీఐని ప్రశ్నించాలని వ్యాఖ్యానించారు.
అభ్యంతరం తెలపని బీజేపీ
పహల్గాం దాడి తర్వాత భారత్, పాక్తో మ్యాచ్లు జరిగినప్పుడు బీజేపీ అభ్యంతరం తెలపలేదు.
కరోనా సమయంలో ఐపీఎల్ మ్యాచ్లను ఇస్లామిక్ దేశాలకు తరలించినప్పటికీ, ఆ సమయంలో కూడా భాజపా మైనారిటీ క్షేమాన్ని ప్రస్తావించలేదు.ఫ్రాంచైజీలను విమర్శించే బదులు, భాజపా నాయకులు హోమ్ మినిస్టర్ను అడగాలని సూచించారు.ఈ విధంగా ఐపీఎల్లో బంగ్లాదేశ్ ఆటగాళ్ల ఎంపికను రాజకీయ పరిణామాలతో కలపకూడదని, క్రీడలను భిన్నంగా చూడాలనే ఆవశ్యకతను నేతలు స్పష్టం చేశారు.
