ఉచిత గుండె వైద్య శిబిరమును సద్వినియోగం చేసుకోండి..

ఏఐ ఎఫ్బి నియోజకవర్గ ఇన్చార్జ్ విష్ణు నారాయణ
విశాలాంధ్ర ధర్మవరం;; మండల పరిధిలోని గోట్లురు గ్రామంలోని రైతు భరోసా కేంద్రంలో ఈనెల 28వ తేదీ శనివారం ఉదయం 10 నుండి మధ్యాహ్నం రెండు గంటల వరకు ఉచిత గుండె వైద్య శిబిరమును నిర్వహిస్తున్నట్లు ఏఐఎఫ్బి నియోజకవర్గ ఇన్చార్జ్ నిడి మామిడి విష్ణు నారాయణా తెలిపారు. అనంతరం వారు మాట్లాడుతూ కిమ్స్ సవేరా హాస్పిటల్-అనంతపురం వారి సహాయ సహకారములతో ఈ శిబిరాన్ని నిర్వహిస్తున్నట్లు తెలిపారు. ఈ శిబిరంలో గుండెనొప్పి, చాతినొప్పి, గుండె దడ, ఆయాసము, కళ్ళు తిరగడం,గుండెలో మంట కలగడం, ఛాతిలో బరువుగా ఉండడం ,నిద్రలో ఆయాసం వచ్చి లేచి కూర్చోవడం, కళ్ళు వాపు రావడం చెమటలు పట్టడం లాంటి సమస్యలకు నిష్ణాతులైన వైద్యులచే వైద్య చికిత్సలను అందించడం జరుగుతుందని తెలిపారు. కావున ఈ అవకాశాన్ని గ్రామ ప్రజలు సద్వినియోగం చేసుకొని తమ ఆరోగ్యమును పదిలంగా ఉంచుకోవాలని తెలిపారు.