“ నేను అభివృద్ధికి వ్యతిరేకం కాదు.. భూగర్భ జలాలు, వ్యవసాయం, పర్యావరణ భద్రతపై ముందస్తు అధ్యయనం అవసరం. నా పేరు రామారావు పెనుకుదురు. ఏలూరు జిల్లా నూజివీడు నియోజకవర్గ పరిధిలోని పోలవరం గ్రామం నా స్వస్థలం. ప్రస్తుతం నేను ఆస్ట్రేలియాలోని బ్రిస్బేన్, కీÇన్స్ల్యాండ్‌లో మైనింగ్ ఇంజనీర్‌గా పనిచేస్తున్నాను. కొన్నేళ్లుగా మైనింగ్, భూసాంకేతిక రంగాల్లో పనిచేస్తున్న నాకు కీÇన్స్ల్యాండ్‌లో భూగర్భ బొగ్గు వాయువీకరణ (అండర్‌గ్రౌండ్ కోల్ గ్యాసిఫికేషన్-యూసీజీ)కు సంబంధించిన ప్రాజెక్టులు, వాటి పర్యావరణ ప్రభావాలను పరిశీలించే అవకాశం లభించింది. చింతలపూడి ప్రాంతంలో యూసీజీ ద్వారా బొగ్గును వెలికితీయాలనే ప్రతిపాదనపై వార్తలు వస్తున్న నేపథ్యంలో నా వృత్తిపరమైన అనుభవాన్ని, కీÇన్స్ల్యాండ్‌లోని యూసీజీ అనుభవాలను దృష్టిలో పెట్టుకుని కొన్ని విషయాలను ప్రజల ముందుకు తీసుకురావాల్సిన అవసరం ఉందని భావిస్తున్నాను. ముందుగా ఒక విషయం స్పష్టం చేయాలనుకుంటున్నాను. దేశానికి ఇంధనం అవసరం. పారిశ్రామిక అభివృద్ధి అవసరం. స్థానిక ప్రాంతాలకు ఉపాధి, ఆర్థిక అవకాశాలు అవసరం. అయితే అభివృద్ధి పేరుతో భూగర్భ జలాలు, వ్యవసాయ భూములు, పర్యావరణం, భవిష్యత్తరాల భద్రతను ప్రమాదంలోకి నెట్టకూడదు. ఒక ప్రాజెక్టు వల్ల వచ్చే ప్రయోజనాలతో పాటు, ప్రతికూల పరిస్థితుల్లో ఏర్పడే నష్టాలను ముందుగానే అంచనా వేయాలి.”
యూసీజీ అంటే ఏమిటి : భూగర్భ బొగ్గు వాయువీకరణ అంటే భూమి అడుగు భాగంలో ఉన్న బొగ్గును వెలికి తీసి బయటకు తవ్వకుండా, అదే ప్రదేశంలో నియంత్రిత పరిస్థితుల్లో వాయువీకరణ ప్రక్రియకు గురిచేసి సంశ్లేషణ వాయువు (సింగ్యాస్)ను ఉత్పత్తి చేయడం. ఇది సాధారణ బొగ్గు గనుల తవ్వకాల విధానానికి భిన్నమైన ప్రక్రియ. మొత్తం ప్రక్రియ భూమి అడుగు భాగంలోనే జరుగుతుంది కాబట్టి భూగర్భ శిలా నిర్మాణం, సహజ పగుళ్లు, రంధ్రభేద్యత, భూగర్భ జలాల ప్రవాహ మార్గాలు, భూగర్భ పీడనం, వాయు వుల వలస, భూగర్భ ఖాళీల స్థిరత్వం వంటి అంశాలు అత్యంత కీలకం. వాయువీకరణ ప్రాంతంలో సరైన నియంత్రణ, నిరోధక వ్యవస్థలు లేకపోతే వాయువులు లేదా వాయువీకరణ ప్రక్రియలో ఏర్పడే ఉప ఉత్పత్తులు అనూహ్య మైన భౌగోళిక మార్గాల ద్వారా ఇతర ప్రాంతాలకు చేరే అవకాశం ఉంది.
కీÇన్స్ల్యాండ్ యూసీజీ అనుభవం ఒక హెచ్చరిక : ప్రస్తుతం నేను బ్రిస్బేన్, కీÇన్స్ల్యాండ్‌లో మైనింగ్ ఇంజనీర్‌గా పనిచేస్తున్నందున,అక్కడ జరిగిన యూసీజీ ప్రయోగాత్మక ప్రాజెక్టులను వృత్తిపరంగా పరిశీలించాను. కీÇన్స్ల్యాండ్‌లో లింక్ ఎనర్జీ-చించిల్లా/ోప్ల్యాండ్, కూగర్ ఎనర్జీ-కింగారాయ్, కార్బన్ ఎనర్జీ-బ్లడ్వుడ్ క్రీక్ ప్రాంతాల్లో యూసీజీ ప్రయోగాత్మక ప్రాజెక్టులు నిర్వహణ జరిగింది. కీÇన్స్ల్యాండ్‌లో యూసీజీ కార్యకలాపాలకు సంబంధించి తీసుకున్న ప్రభుత్వ చర్యలు, ఆయా ప్రాజెక్టుల అనంతరం చేపట్టిన పర్యవేక్షణ, నిర్వహణ, పునరుద్ధరణ కార్యక్రమాలను చింతలపూడి ప్రాజెక్టు విషయంలో సమగ్రంగా అధ్యయనం చేయాల్సిన అవసరం ఉంది.
లింక్ ఎనర్జీ-చించిల్లా అనుభవం : చింతలపూడి ప్రాజెక్టును పరిశీలించే క్రమంలో కీÇన్స్ల్యాండ్‌లోని చించిల్లా ప్రాంతం అనుభవం నేపథ్యంలో ప్రత్యేకంగా అధ్యయనం చేయాల్సిన అంశం. లింక్ ఎనర్జీ అక్కడ యూసీజీ కార్యకలాపాలు నిర్వహించిన అనంతరం పర్యావరణ ప్రభావాలు, భూగరÒ Ûజలాలకు సంబంధించిన సమస్యలపై దర్యాప్తులు కూడా జరిగాయి. గత యూసీజీ కార్యకలాపాలకు సంబంధించిన ప్రాంతాల్లో భూగర్భ జలాల పర్యవేక్షణ, నిర్వహణ, పునరుద్ధరణ చర్యలు చేపట్టాల్సిన పరిస్థితులు ఏర్పడ్డాయి. భూమి అడుగున జరిగే యూసీజీ కార్యకలాపాల వల్ల కాలుష్యం లేదా వాయువుల వలస సంభవిస్తే, ప్రాజెక్టు పూర్తయిన తర్వాత కూడా ఆ సమస్యను ఎవరు నిర్వహిస్తారు? దాని బాధ్యత ఎవరిది? దానికి అయ్యే దీర్ఘకాలిక వ్యయాన్ని ఎవరు భరిస్తారు? అనే ప్రశ్నలను ముందుగానే పరిశీలించాల్సిన అవసరం ఉంది.
కూగర్ ఎనర్జీ-కింగారాయ్ ఘటన : కింగారాయ్లో నిర్వహించిన యూసీజీ ప్రయోగాత్మక ప్రాజెక్టులో భూగర్భ జలాల పర్యవేక్షణ సందర్భంగా బెంజీన్ను గుర్తించాక కీÇన్స్ల్యాండ్ అధికారులు చర్యలు తీసుకున్నారు. బెంజీన్ మానవ ఆరోగ్యానికి హానికరమైన, క్యాన్సర్‌కు కారణమయ్యే పదార్థం. అయితే,ప్రతి యూసీజీ ప్రాజెక్టు తప్పనిసరిగా బెంజీన్ కాలుష్యానికి దారితీస్తుందని కాదు. అలాగే ఎటువంటి పర్యావరణ ప్రమాదం ఉండదని చెప్పడం కూడా శాస్త్రీయంగా సమంజసం కాదు. యూసీజీ ప్రక్రియలో ఏర్పడే సంభావ్య హానికర రసాయన ఉప ఉత్పత్తులు, వాటి భూగర్భ జలాల్లోకి చేరే అవకాశాలు, వాటి నియంత్రణకు అవసరమైన చర్యలను కఠినంగా పరిశీలించాల్సిన అవసరం ఉంది.
యూసీజీ అంటే తప్పనిసరిగా ప్రమాదకరమేనా ? : ఒక మైనింగ్ ఇంజనీర్‌గా ఈ విషయాన్ని బాధ్య తగా చెప్పాలనుకుంటున్నాను. ప్రతి యూసీజీ ప్రాజెక్టు తప్పనిసరిగా పర్యావరణ విపత్తుగా మారుతుందని చెప్పడం లేదు. అదే విధంగా యూసీజీలో ఎలాంటి పర్యావరణ ప్రమాదం లేదని కూడా చెప్పలేం. కీÇన్స్ల్యాండ్‌లో జరిగిన సంఘటనలు, అక్కడి ప్రాజెక్టుల అనుభవాలు యూసీజీని అమలు చేసే ముందు భూగర్భ శాస్త్రం, భూగర్భజలాలు, పర్యావరణం వంటి అంశాలను అత్యంత జాగ్రత్తగా పరిశీలించాల్సిన అవసరాన్ని సూచిస్తున్నాయి. యూసీజీ ప్రాజెక్టును పరిశీలించేటప్పుడు భూగర్భ శాస్త్రం, భూగర్భ పగుళ్లు, భూగరÒ Ûజలాలు, వాయువుల వలస, భూగర్భ పీడనం, భూమి కుంగిపోయే అవకాశం, కాలుష్యం, ప్రాజెక్టు అనంతర పునరావాసం వంటి అంశాలను సమగ్రంగా అంచనా వేయాల్సిన అవసరం ఉంది.
చింతలపూడికి ఈ అంశం ఎందుకు కీలకం : చింతలపూడి మండలంలోని శెట్టివారిగూడెం, రేచర్లతో పాటు పరిసర ప్రాంతాల్లో ప్రజల జీవనాధారంలో వ్యవసాయం, భూగర్భజలాలకు ఎంతో ప్రాధాన్యం ఉంది. ఇలాంటి ప్రాంతంలో యూసీజీ ప్రాజెక్టును ప్రారంభించే ముందు బొగ్గు నుంచి గ్యాస్ ఉత్పత్తి ద్వారా ఎంత ఆర్థిక ప్రయోజనం వస్తుంది? అనే ప్రశ్నతోనే ఆగిపోకూడదు. అత్యంత ప్రతికూల పరిస్థితి ఏర్పడితే భూగర్భజలాలపై ఎలాంటి ప్రభావం ఉంటుంది? వ్యవసాయ భూములపై ప్రభావం ఏమిటి? ప్రజల జీవనోపాధికి ఏమైనా ప్రమాదం ఏర్పడుతుందా? భూగర్భంలో ఏర్పడే మార్పులు భవిష్యత్‌లో ఎలాంటి పరిణామాలకు దారితీయవచ్చు? వంటి ప్రశ్నలకు కూడా శాస్త్రీయ సమాధానాలు కావాలి.
స్వతంత్ర శాస్త్రీయ అధ్యయనం అవసరం : చింతలపూడి యూసీజీ ప్రాజెక్టు ముందుకు వెళ్లే ముందు స్వతంత్ర నిపుణుల ఆధ్వర్యంలో సమగ్ర అధ్యయనాలు నిర్వహించాలి. స్వతంత్ర భూగర్భ శాస్త్ర అధ్యయనం నిర్వహించాలి. సమగ్ర భూసాంకేతిక అధ్యయనం చేపట్టాలి. భూగర్భజలాలపై సమగ్ర అధ్యయనం చేయాలి. ప్రాజెక్టు ప్రారంభానికి ముందే భూగర్భజలాల ప్రాథమిక స్థితిపై పూర్తి సమాచారం సేకరించాలి. భూగర్భంలోని పగుళ్లు, రంధ్రభేద్యత, నీటి ప్రవాహ మార్గాలను శాస్త్రీయంగా అధ్యయనం చేయాలి. వాయువుల వలస ప్రమాదాన్ని అంచనా వేయాలి. భూమి కుంగిపోయే అవకాశం, భూగర్భ నిర్మాణాల స్థిరత్వంపై సమగ్ర పరిశీలన చేయాలి. సంభావ్య కాలుష్య పదార్థాలు భూగర్భ జలాల్లోకి చేరే మార్గాలను గుర్తించాలి. కీÇన్స్ల్యాండ్‌లోని లింక్ ఎనర్జీ, కూగర్ ఎనర్జీ, కార్బన్ ఎనర్జీ ప్రాజెక్టుల అనుభవాలను అధ్యయనం చేయాలి. ప్రాజెక్టు పూర్తయిన తర్వాత కూడా కొనసాగించే దీర్ఘకాలిక పర్యవేక్షణ, పునరావాస ప్రణాళికను ముందుగానే రూపొందించాలి. స్థానిక రైతులు, గ్రామ ప్రజలకు పర్యావరణానికి సంబంధించిన ముఖ్యమైన అధ్యయన ఫలితాలను పారదర్శకంగా వెల్లడించాలి. ప్రజల్లో భయాన్ని సృష్టించడం నా ఉద్దేశం కాదు.చింతలపూడి ప్రజలకు ముందుగానే అవగాహన కల్పించడం, ప్రభుత్వాన్ని కొన్ని ముఖ్యమైన ప్రశ్నలు అడగడం మాత్రమే నా ఉద్దేశం. యూసీజీ ప్రాజెక్టుల విషయంలో ఏవైనా పర్యావరణ సమస్యలు తలెత్తితే వాటిని పర్యవేక్షించడం, పరిష్కరించడం, పునరావాస చర్యలు చేపట్టడం దీర్ఘకాలిక బాధ్యతగా మారే అవకాశం ఉంది. అలాంటి పరిస్థితులు మన చింతలపూడిలో పునరావృతం కాకుండా ముందుగానే జాగ్రత్తలు తీసుకోవాలి.
ప్రజల భద్రతకు ప్రాధాన్యం ఇవ్వాలి : చింతలపూడి యూసీజీ ప్రాజెక్టు విషయంలో స్వతంత్ర శాస్త్రీయ అధ్యయనం, భూగర్భజలాల పరిరక్షణ, భౌగోళిక ప్రమాదాల అంచనా, దీర్ఘకాలిక పర్యవేక్షణతో పాటు ప్రజలతో పూర్తి పారదర్శకత ఉండాలి. చింతలపూడికి అభివృద్ధి అవసరం. అయితే ఆ అభివృద్ధి ప్రజల భూమిని, నీటిని, వ్యవసాయాన్ని, పర్యావరణాన్ని, భవిష్యత్ తరాలను కాపాడే విధంగా ఉండాలి. నేను అభివృద్ధికి వ్యతిరేకం కాదు. అభివృద్ధి జరగాలి. కానీ ఆ అభివృద్ధి ప్రజల భవిష్యత్తుకు భరోసా ఇచ్చే విధంగా జరగాలి. చింతలపూడి యూసీజీ విషయంలో కూడా నా ప్రధాన ఆందోళన ఇదే.
