హైదరాబాద్ వాతావరణ కేంద్రం వెల్లడి
తెలంగాణలోని అనేక జిల్లాల్లో ఈ రోజు, రేపు భారీ వర్షాలు కురిసే అవకాశముందని హైదరాబాద్ వాతావరణ కేంద్రం హెచ్చరిస్తోంది. ముఖ్యంగా ఉత్తర,తూర్పు ప్రాంతాల్లో వర్షాలు విస్తృతంగా కొనసాగే అవకాశం ఉంది.ఈ రోజు ఆదిలాబాద్, కొమురంభీమ్ ఆసిఫాబాద్, మంచిర్యాల, నిర్మల్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, మహబూబాబాద్, వరంగల్, హన్మకొండ జిల్లాల్లో అత్యంత భారీ వర్షాలు పడే అవకాశం ఉందని వాతావరణ శాఖ తెలిపింది.
ఉత్తర తెలంగాణకు ఆరెంజ్ హెచ్చరికలు జారీ
రేపు నిర్మల్, నిజామాబాద్, జగిత్యాల, రాజన్న సిరిసిల్ల, జయశంకర్ భూపాలపల్లి, ములుగు, మహబూబాబాద్, వరంగల్, వికారాబాద్, సంగారెడ్డి, మెదక్, కామారెడ్డి, మహబూబ్ నగర్, నాగర్ కర్నూలు, వనపర్తి జిల్లాల్లో విస్తృతంగా భారీ వర్షాలు కురిసే అవకాశముందని వెల్లడించింది. దీనితో ఉత్తర తెలంగాణకు ఆరెంజ్ హెచ్చరికలు జారీ చేశారు.వాతావరణ కేంద్రం ప్రజలను వర్షం కారణంగా జరిగే రహదారి సమస్యలు, జలమండల పరిస్థితులు, నీటిలో కలిసే ప్రమాదాల నుంచి జాగ్రత్తగా ఉండమని సూచిస్తోంది.
