ఆటో డ్రైవర్లు తప్పనిసరిగా నియమ నిబంధనలు పాటించాలి..

రూరల్ ఎస్సై శ్రీనివాసులు
విశాలాంధ్ర ధర్మవరం;; రూరల్ పరిధిలో ఉన్నటువంటి ఆటోడ్రైవర్లు గాని, వ్యాను, టాక్స్ తదితరులు తప్పనిసరిగా నియమ నిబంధనలు పాటించాలని రూరల్ ఎస్సై శ్రీనివాసులు తెలిపారు. ఈ సందర్భంగా వారు రూరల్ పోలీస్ స్టేషన్లో ఆటో డ్రైవర్లకు మోటర్ బైక్ రైడర్స్ తో సమావేశాన్ని నిర్వహించారు. అనంతరం రూరల్ ఎస్సై శ్రీనివాసులు మాట్లాడుతూ కచ్చితంగా వాహనములు నడుపు వారు హెల్మెట్/సీటు బెల్టు తప్పనిసరిగా వేసుకోవాలని తెలిపారు. ఆటోలలో పరిమితికి మించి ప్రయాణికులను ఎక్కించుకోరాదని, తప్పకుండా యూనిఫారం ధరించి ఆటో నడపాలని తెలిపారు. అంతేకాకుండా మద్యం సేవించి వాహనాలను నడపరాదని, సెల్ఫోన్లో మాట్లాడుతూ వాహనాలు నడప రాదని వారు తెలిపారు. అట్లు నడిపిన యెడల జరిమానాలతో పాటు కేసులు నమోదు చేస్తామని వారి హెచ్చరించారు. ఏ విషయంలోనైనా ఉల్లంఘించిన వారిపై చట్టపరమైన చర్యలు తీసుకోబడుతుందని తెలిపారు. కావున డ్రైవర్ల అందరూ కూడా చట్టం యొక్క నియమ నిబంధనల ప్రకారం సహకరించాలని తెలిపారు. ఈ కార్యక్రమంలో రూరల్ పోలీస్ సిబ్బంది పాల్గొన్నారు.