దేశంలోనే అతిపెద్ద నెట్‌వర్క్.. హైదరాబాద్‌లో మైక్రోసాఫ్ట్ కొత్త డేటా సెంటర్

టెక్ దిగ్గజం మైక్రోసాఫ్ట్, భారతదేశంలో తన క్లౌడ్, ఆర్టిఫిషియల్ ఇంటెలిజెన్స్ (ఏఐ) మౌలిక సదుపాయాలను భారీగా విస్తరించింది. దేశంలో నానాటికీ పెరుగుతున్న డేటా సెంటర్ల అవసరాలు, ఏఐ వినియోగాన్ని దృష్టిలో ఉంచుకుని హైదరాబాద్‌లో తన నాలుగో క్లౌడ్ రీజియన్‌ను సోమవారం ప్రారంభించింది.ఇండియా సౌత్ సెంట్రల్ పేరుతో ఏర్పాటైన ఈ కేంద్రం, కంపెనీ క్లౌడ్ సేవలను మరింత బలోపేతం చేయనుంది.భారత్‌లో ఇప్పటికే పూణె, చెన్నై, ముంబై నగరాల్లో మైక్రోసాఫ్ట్‌కు క్లౌడ్ రీజియన్లు ఉన్నాయి. హైదరాబాద్ కేంద్రంతో కలిపి దేశంలోనే అతిపెద్ద హైపర్‌స్కేల్ క్లౌడ్ ఇన్‌ఫ్రాస్ట్రక్చర్‌ను కలిగిన సంస్థగా మైక్రోసాఫ్ట్ నిలిచింది. క్లౌడ్ సామర్థ్యం, ఏఐ మౌలిక సదుపాయాలు, నైపుణ్యాభివృద్ధి కోసం గతంలో ప్రకటించిన 20.5 బిలియన్ డాలర్ల పెట్టుబడి ప్రణాళికలో ఈ విస్తరణ ఒక కీలక భాగం.ఈ సందర్భంగా మైక్రోసాఫ్ట్ ఇండియా, సౌత్ ఆసియా ప్రెసిడెంట్ పునీత్ చందోక్ మాట్లాడుతూ.. భారతదేశం తన డిజిటల్ పరివర్తన ప్రయాణంలో ఒక కీలకమైన దశలో ఉందని అన్నారు. ప్రపంచంలోనే అత్యధికంగా డేటాను ఉత్పత్తి చేస్తున్న దేశాల్లో ఒకటిగా భారత్ నిలుస్తోందని ఆయన తెలిపారుప్రస్తుతం ప్రపంచవ్యాప్తంగా ఉత్పత్తి అవుతున్న డేటాలో దాదాపు 20 శాతం భారతదేశం నుంచే వస్తోంది. కానీ ప్రపంచ డేటా సెంటర్ల సామర్థ్యంలో మన దేశ వాటా కేవలం 3 శాతం మాత్రమే. ఈ రెండు సంఖ్యల మధ్య ఉన్న వ్యత్యాసమే ఈ దశాబ్దంలో భారత్‌కు ఎదురయ్యే అతిపెద్ద అవకాశంఁ అని ఆయన వివరించారు.ప్రస్తుతం భారతదేశంలో సుమారు 2 గిగావాట్ల డేటా సెంటర్ సామర్థ్యం ఉందని, 2035 నాటికి ఇది 12 నుంచి 14 గిగావాట్లకు పెరుగుతుందని చందోక్ అంచనా వేశారు. వ్యాపారాలు, ప్రభుత్వ విభాగాలు, ఇతర సంస్థలు ప్రయోగాల దశను దాటి ఏఐ అప్లికేషన్లను భారీ స్థాయిలో ఉపయోగించడం మొదలుపెట్టడంతో, ఈ విస్తరణ తప్పనిసరి అని ఆయన పేర్కొన్నారు.ఏఐ సేవలకు ఇప్పటికే బలమైన డిమాండ్ ఉందని, భవిష్యత్ వృద్ధికి అవసరమైన భౌతిక మౌలిక సదుపాయాలను నిర్మించడమే ఇప్పుడు ప్రధాన సవాలని ఆయన స్పష్టం చేశారు. మనం నిర్మిస్తున్న డిజిటల్ స్కేల్‌కు తగిన భౌతిక స్కేల్ కూడా అవసరం. ఇది మనందరి జాతీయ కర్తవ్యంఁ అని ఆయన వ్యాఖ్యానించారు.