వ్యాసరచన పోటీలో ప్రణవ సాయి ఇంగ్లీష్ మీడియం హై స్కూల్ విద్యార్థికి ప్రథమ బహుమతి

విశాలాంధ్ర ధర్మవరం : భగవాన్ శ్రీ సత్య సాయి బాబా వారి 99 వ జన్మదినోత్సవ వేడుకలు సందర్భంగా పట్టణంలోని కాగితాల వీధిలో గల శ్రీ ప్రణవ సాయి ఇంగ్లీష్ మీడియం స్కూల్లో ఇటీవల నిర్వహించడం జరిగింది. పట్టణంలోని 24 పాఠశాలల నుండి 1500 మంది విద్యార్థులు పాల్గొన్నారు. అదేవిధంగా ఐదు జూనియర్ కళాశాల నుండి నూరు మంది రెండు డిగ్రీ కళాశాల నుండి 35 మంది విద్యార్థులు పాల్గొనడం జరిగింది. జిల్లా స్థాయిలో ప్రణవ సాయి ఇంగ్లీష్ మీడియం పాఠశాల నుండి టి మమతారెడ్డి ప్రథమ బహుమతిని గెలుపొందడం జరిగిందని జిల్లా జాయింట్ బాలవికాస్ కోఆర్డినేటర్ కరణం ఆదిలక్ష్మి తెలిపారు. ఈ సందర్భంగా వారు మాట్లాడుతూ జూనియర్ కళాశాల నుండి షేక్ పర్వీన్ తాజ్ ద్వితీయ బహుమతిని, పద్మావతి డిగ్రీ కళాశాల నుండి టీ. అర్సియా ద్వితీయ బహుమతిని గెలుపొందడం జరిగిందని తెలిపారు. త్వరలో వీరందరికీ పుట్టపర్తిలో బహుమతులను ఇవ్వడం జరుగుతుందని తెలిపారు. ఈ సందర్భంగా ఆదిలక్ష్మి తో పాటు శ్రీ సత్యసాయి సేవా సమితి తరపున జాయింట్ కన్వీనర్ శేషాచారి,కన్వీనర్ నామ ప్రసాద్, జనార్ధన్, ప్రధమ, ద్వితీయ పొందిన విద్యార్థులకు శుభాకాంక్షలు తెలియజేశారు.