ముంబయి: భారత్లోని ప్రముఖ లైఫ్ ఇన్సూరెన్స్ కంపెనీల్లో ఒకటైన పీఎన్బీ మెట్లైఫ్, 2023-24 ఆర్థిక సంవత్సరానికి (ఎఫ్వై 2024) గాను వ్యక్తిగత క్లెయిమ్లకు సంబంధించి 99.2% క్లెయిమ్ సెటిల్మెంట్ రేషియోను సాధించింది. అంతక్రితం ఆర్థిక సంవత్సరంలో నమోదైన 99.06 పోలిస్తే వృద్ధి చెందింది. ఈ విజయం కస్టమర్ల ఆర్థిక భద్రత, సంరక్షణపై పీఎన్బీ మెట్లైఫ్కు ఉన్న తిరుగులేని నిబద్ధత, ఫోకస్ను నొక్కిచెబుతోంది. 2023-24 ఆర్థిక సంవత్సరంలో పీఎన్బీ మెట్లైఫ్ మొత్తం రూ. 462.20 కోట్ల విలువైన 5679 క్లెయిమ్లను చెల్లించింది. గత ఐదేళ్లుగా పాలసీదారులకు, వారి కుటుంబాలకు అవసరమైన సమయంలో సత్వరమైన, సమర్థవంతమైన తోడ్పాటును అందించడం ద్వారా తన వాగ్దానాన్ని నెరవేర్చింది. పీఎన్బీ మెట్లైఫ్ 28,737 లైఫ్ పాలసీలపై వ్యక్తిగత క్లెయిమ్ల కోసం రూ.2,106.03 కోట్లను చెల్లించింది, తద్వారా ఆర్థిక భద్రత పరిష్కారాలకు సంబంధించి నమ్మకమైన ప్రొవైడర్గా తన స్థానాన్ని పటిష్టం చేసుకుంది.