విశాలాంధ్ర – పెద్దకడబూరు (కర్నూలు) : మండల కేంద్రమైన పెద్దకడబూరులోని స్థానిక పాత పంచాయతీ కార్యాలయం నందు మంగళవారం కర్నూలు అమీలియో ఆసుపత్రి ఆధ్వర్యంలో జరిగిన ఉచిత కంటి వైద్యశిభిరానికి విశేష స్పందన లభించింది. వైద్య శిబిరాన్ని టీడీపీ రైతు విభాగం రాష్ట్ర అధికార ప్రతినిధి నరవ రమాకాంతరెడ్డి, ఎస్ఐ నిరంజన్ రెడ్డి ప్రారంభించారు. ఈ సందర్భంగా ఆసుపత్రి ప్రతినిధి ఆప్టికల్ అసిస్టెంట్ ఎన్ జీ సింహా వీరన్న దాదాపు 300 మందికి కంటి పరీక్షలు నిర్వహించి మందులను ఉచితంగా పంపిణీ చేశారు. అలాగే 30 మందిని కంటి ఆపరేషన్ కోసం రెఫర్ చేసినట్లు ఆయన తెలిపారు. వీరికి అమీలియో ఆసుపత్రిలో ఉచితంగా కంటి ఆపరేషన్లు చేస్తామని ఆయన వెల్లడించారు. ఈ కార్యక్రమంలో ఆసుపత్రి సిబ్బంది మహేంద్ర నాథ్, టీడీపీ నాయకులు మల్లికార్జున, మీసేవ ఆంజనేయ, తిక్కన్న, ఎంజీ నరసన్న, తలారి అంజి, బొగ్గుల నరసన్న, కలుగొట్ల లక్ష్మన్న, ఇమ్మానియేలు, ఆదాము, ఆశన్న, రామన్న, సుధాకర్ అధిక సంఖ్యలో రోగులు పాల్గొన్నారు.
