యథేచ్ఛగా అక్రమ రవాణా ?
విశాలాంధ్ర- చిలమత్తూర్ రూరల్ : మండల పరిధిలోని కొడికొండ చెక్ పోస్ట్ జాతీయ రహదారిలో అక్రమ రవాణా జరగకుండా ఏపీ పోలీస్ కొడికొండ చెక్పోస్టు సరిహద్దులో పోలీస్ చెక్ పోస్ట్ ఏర్పాటు చేసింది, అక్రమ రవాణా అదుపు చేయడానికి రాష్ట్ర ప్రభుత్వం ఒక సీఐ, ఇద్దరు ఎస్సైలు పదిమంది కానిస్టేబుళ్లను నియమించింది. అయితే 24 గంటలు విధులు నిర్వహిస్తూ అక్రమ రవాణా నివారించాల్సిన నిఘా సిబ్బంది టెంటు కే పరిమితమైనట్లు మండల ప్రజలు బహిరంగ ఆరోపణలు చేస్తున్నారు. జాతీయ రహదారిలో వాహనాలు తనిఖీ చేయకపోవడంతో ఇదే అదునుగా అక్రమార్కులు తమ అక్రమ రవాణాను సులభతరముగా ఆంధ్ర సరిహద్దు దాటేస్తున్నారు, ఏపీ పోలీస్ ఉన్నతాధికారులు లక్ష్యం ఒక్కటైతే ఇక్కడ మరొకటిలా జరిగిపోతున్నది, వీరి పనితీరును దృష్టిలో పెట్టుకొని ,వాహనదారులు ఇష్టారాజ్యముగా ఎర్రచందనం, గుట్కా, గంజాయి, కోకై న్ లాంటి ఇతర మాదకద్రవ్యాలు, అక్రమ మద్యం.రవాణా జరుగుతుందనే విమర్శలు వినిపిస్తున్నాయి అంతేకాక, నిఘా నిద్రమత్తులో ఉండడంతో మండలంలోని ప్రతి గ్రామంలో ఎక్కడ చూసినా కర్ణాటక మద్యం విక్రయాలు విపరీతంగా జరుగుతున్నాయి. పోలీస్ నిర్లక్ష్యంతోనే ఈ అక్రమ వ్యవహారాలు నడుస్తున్నట్లు ఆరోపణల వ్యక్తం అవుతున్నాయి. చెక్ పోస్ట్ లో విధులు నిర్వహిస్తున్న పోలీసులు ఏదో ఒక సమయంలో తనిఖీలు నిర్వహించి ఉన్నతాధికారులకు ఫోటోలు వీడియోలకు ఫోజులిచ్చి వాటిని ఉన్నతాధికారులకు సెండ్ చేసి ,మ,,మ, అనిపించుకుంటున్నట్లు సమాచారం. కావున ఇప్పటికైనా సంబంధిత అధికారులు స్పందించి అక్రమ రవాణా కు అడ్డుకట్ట చేయాల్సి ఉంది. కొడికొండ చెక్ పోస్ట్ లో నిఘా,. నిద్ర పోకుండా చేయవలసిన అవసరం ఎంతైనా ఉందని మండల ప్రజలు కోరుతున్నారు.
సరిహద్దులో నిద్రపోతున్న నిఘా…
