విశాలాంధ్ర – కొయ్యలగూడెం : (ఏలూరు జిల్లా) : పరింపుడి గ్రామపంచాయతీని అభివృద్ధి పథంలో నడిపిస్తాం అని గ్రామపంచాయతీ సర్పంచ్ ముప్పిడి విజయ కుమారి, వైస్ ఎంపీపీ మట్ట వనజాక్షి పేర్కొన్నారు. పరింపుడి గ్రామంలో మండల పరిషత్ నిధులతో నూతనంగా నిర్మిస్తున్న 10 లక్షల రూపాయల సిసి రహదారికి, ఎంపీపీ గంజి మల రామారావు, వైస్ ఎంపీపీ మట్ట వనజాక్షి, సర్పంచ్ విజయ కుమారి భూమి పూజ చేసి రహదారి పనులను ప్రారంభింపజేశారు. ఈ సందర్భంగా వారు మాట్లాడుతూ పరింపూడి పంచాయతీ పరిధిలో ఉన్న అన్ని గ్రామాలలో, సిసి రహదారులు నిర్మించి, డ్రైనేజీ సమస్య లేకుండా డ్రైనేజీలు నిర్మించి, గ్రామాన్ని అభివృద్ధి పథంలో నడిపించడమే ప్రధాన ధ్యేయమని పేర్కొన్నారు. ఈ కార్యక్రమంలో మాజీ ఎంపీపీ మట్టా సత్యనారాయణ, పంచాయతీ కార్యదర్శి సురేష్, గ్రామస్తులు పాల్గొన్నారు.
