విశాలాంధ్ర తనకల్లు : పై ఫోటోను చూసి పిల్లలు ఆటలాడుకుంటున్నారు అనుకుంటే పొరపాటే! మండల పరిధిలోని చీకటి మాన్ పల్లి ఎంపీపీ స్కూల్లో విద్యార్థులు చెత్తను మోసుకెళ్తున్న సంఘటన శుక్రవారం చోటుచేసుకుంది. పేద విద్యార్థులు చదువుకోవడానికి పాఠశాలకు వస్తే ఆ పిల్లలతో వారికి మించిన బరువును మోపిస్తూ పనులు చేయించడం ఏంటని గ్రామస్తులు ప్రశ్నిస్తున్నారు. ప్రభుత్వం పాఠశాలలో చెత్త శుభ్రం చేయడానికి నియమించిన వారు ఏమయ్యారు?కేంద్ర రాష్ట్ర ప్రభుత్వాలు బాల కార్మిక వ్యవస్థను రూపుమాపటానికి ఎన్నో కార్యక్రమాలను చేపట్టి అందరికీ అవగాహన కలిగేలా చేస్తున్నది ఈ ఉపాధ్యాయులకు తెలియదా విద్యార్థులతో ఇలాంటి పనులు చేయించడం వల్ల విద్యార్థులు ఎలాంటి భావనలకు లోన వుతారు. ఇప్పటికైనా పేద విద్యార్థుల పై అభద్రతాభావాన్ని ప్రదర్శించకుండా ఇలాంటి తప్పులు పునరావృతం కాకుండా ఉన్నతాధికారులు చర్యలు తీసుకోవాలని గ్రామస్తులు కోరారు.
