బీహార్ ముఖ్యమంత్రి నితీశ్ కుమార్భద్రతలో భారీ వైఫల్యం చోటు చేసుకుంది. సీఎం తన ఇంటి నుంచి బైటకు వచ్చిన సమయంలో ఓ బైక్ నితీశ్ వైపుకు దూసుకొచ్చింది. భద్రతా వలయాన్ని దాటుకుని సీఎంకు అత్యంత సమీపానికి వచ్చింది. దీంతో అప్రమత్తమైన సీఎం వెంటనే ఫుట్ పాత్ పైకి దూకేశారు. గురువారం ఉదయం మార్నింగ్ వాక్ కు వెళ్లిన సమయంలో ఈ ఘటన చోటు చేసుకుంది.ఈ ఘటనతో అప్రమత్తమైన సిబ్బంది వెంటనే బైకర్ ను పట్టుకున్నారు. విషయం తెలుసుకున్న స్పెషల్ సెక్యూరిటీ గ్రూప్ కమాండెంట్, పాట్నా సీనియర్ సూపరింటెండెంట్ ఆఫ్ పోలీస్.. సీఎం నివాసానికి చేరుకున్నారు. ఘటనపై విచారణ చేపట్టారు.
