విశాలాంధ్ర,సీతానగరం: మండలంలోని అన్నిగ్రామపంచాయతీలలో పంచాయతీ రాజ్-1 ( పిఆర్-1) లో డ్రెయిన్స్ రిజిస్ట్రేషన్, నీటి నిల్వప్రదేశాల రిజిస్ట్రేషన్, వాటర్ ట్యాంకులు రిజిస్ట్రేషన్, క్లోరినేషన్ రిజిస్ట్రేషన్ తదితరఅంశాలను తక్షణమే అప్లోడ్ చేయాలని ఎంపీడీవో ఈశ్వర రావు, ఈఓపిఆర్డీ కుమార్ వర్మలు తెలిపారు. బుధవారంనాడు స్థానిక మండల ప్రజాపరిషత్ కార్యాలయంలో పంచాయతీ కార్యదర్శులతోనూ, ఇంజనీరింగ్ అసిస్టెంట్లతో సమావేశాన్ని నిర్వహించారు. ఈసమావేశంలో వారు మాట్లాడుతూ ఓడిఎఫ్ ప్లస్ సర్వే వేగవంతంగా పూర్తిచేయాలని ఆదేశించారు.దీనిపై సచివాలయం సిబ్బంది మొత్తం పనిచేసి సకాలంలో పూర్తి చేయాలని కోరారు. దీంతోపాటు ఆరుబయట మలవిసర్జన లేకుండా అవగాహన కార్యక్రమాలు నిర్వహించాలని,వ్యక్తిగత మరుగుదొడ్లు వాడకం పెరగడంపై కూడా అవగాహణ సారించాలన్నారు.
పారిశుధ్యం పనులు చేయడంతో పాటు గ్రామాల్లో దోమలనివారణ కోసం పాగింగ్ చేయాలని కోరారు. గ్రామపంచాయతీలో తప్పనిసరిగా
ఇళ్ల పన్నుల వివరాలను ఆన్లైన్ చేయాలని ఆదేశించారు. గ్రామాల్లోగ్రామాల్లో
వీధిదీపాలు నిర్వహణ సక్రమంగా జరగాలని రాత్రిపూట విషజంతువులు బారిన పడకుండా వీధి దీపాలు వెలిగేలా సిబ్బంది దృష్టి సారించాలన్నారు. గ్రామపంచాయతీలలో ప్రభుత్వం తెలియజేసిన అన్ని కార్యక్రమాలు విధిగా నిర్వహించాలని తెలిపారు ఈ కార్యక్రమంలో వారితోపాటు మండల ఇంజనీరింగ్ అధికారి చంద్రమౌళి 35 గ్రామ పంచాయతీల కార్యదర్శి 21 గ్రామ సచివాలయాల ఇంజనీరింగ్ అసిస్టెంట్లు పాల్గొన్నారు.
పిఆర్_1యాప్లో అప్లోడింగ్ పూర్తిచేయాలి
