నరేంద్ర మోడీ మన్ కీ బాత్ కార్యక్రమాన్ని ప్రజల్లోకి విస్తృతంగా తీసుకువెళ్తాం
విశాలాంధ్ర – కోరుకొండ / గోకవరం : భారత్ ప్రధాని నరేంద్ర మోడీ రేడియో ద్వారా ప్రజలకు ప్రసంగించే మాన్ కీ బాత్ కార్యక్రమాన్ని ప్రజల్లోకి విస్తృతంగా తీసుకువెళ్తామని, విశ్వహిందూ ధర్మపరిరక్షణ రామసేన అధ్యక్షులు, భారతీయ జనతా పార్టీ నాయకులు కంబాల శ్రీనివాసరావు అన్నారు. స్థానిక తంటికొండ రోడ్డులోని సీఎండీ కార్యాలయం వద్ద మాన్ కీ బాత్ కార్యక్రమాన్ని ఆదివారం పార్టీ నాయకులు, కార్యకర్తలు, అభిమానులు, ప్రజలతో కలిసి టీవీలో ప్రత్యక్షంగా వీక్షించారు. నరేంద్ర మోడీ 127 ఎపిసోడ్ ద్వారా పలు అంశాలను హిందీలో ప్రశాంగించారు. వాటిని కంబాల శ్రీనివాసరావు తెలుగులో నాయకులు, కార్యకర్తలు, ప్రజలకు వివరించారు. ఈ సందర్భంగా ఆయన మాట్లాడుతూ ప్రతినెల నాలుగో ఆదివారం నరేంద్ర మోడీ నిర్వహించే మాన్ కీ బాత్ కార్యక్రమాన్ని ప్రతి ఒక్కరు వీక్షించాలని కోరారు. ఈ కార్యక్రమం ముఖ్య ఉద్దేశాన్ని మరింతగా ప్రజల్లోకి తీసుకువెళ్తామని అన్నారు. అలాగే కంబాల శ్రీనివాసరావు పిలుపు మేరకు మండలంలోని ప్రతి బూత్ లో మాన్ కీ బాత్ కార్యక్రమాన్ని ప్రజలు వీక్షించారు.
