ఎమ్మెల్యే రోజా
ఏపీ ప్రభుత్వానికి టాలీవుడ్‌ కు మధ్య కోల్డ్‌ వార్‌ జరుగుతున్న విషయం తెలిసిందే.. తాజాగా ఎమ్మెల్యే రోజా ఈ వ్యవహారం పై స్పందించారు.ప్రభుత్వం నిర్ణయించిన కమిటీ అన్ని విషయాలను పరిష్కరిస్తుంది రోజా తెలిపారు. సీఎం జగన్‌ ఏం చేసినా పేదలకు మంచి జరిగేలానే చూస్తారని అన్నారు. పెద్ద సినిమాల గురించి ఆలోచిస్తున్నారే కానీ చిన్న సినిమాల గురించి ఆలోచించడం లేదని ఆమె అన్నారు. నాని సినిమా థియేటర్ల కంటే కిరాణా కొట్టు వ్యాపారం బాగా ఉందన్నప్పుడు ఆయన సినిమాలు చేయడం వేస్ట్‌.. కిరాణా వ్యాపారమే చేసుకోవచ్చు. ఇలాంటి వాఖ్యలు రెచ్చగొట్టడమే అవుతుందని మండిపడ్డారు. ఇలాంటి వ్యాఖ్యల వల్ల సినిమా పరిశ్రమ మరింత నష్టపోయే అవకాశం ఉంటుంది. కొద్దిమంది రాజకీయ ఉనికిని చాటుకునేందుకు, పార్టీలు పెట్టిన వారి వల్లే ఇలాంటి వివాదాలు వస్తున్నాయని అన్నారు. సినిమా ఇండస్ట్రీలో ఎవరికి తోచినట్టు వారు మాట్లాడటం వల్లే ఇదంతా జరుగుతోందని ఫైర్‌ అయ్యారు. మంచి ఉద్దేశంతో చర్చలకు వస్తే అన్ని సమస్యలు పరిష్కారం అవుతాయని అన్నారు.
ప్రభుత్వం నిర్ణయించిన కమిటీ అన్ని విషయాలను పరిష్కరిస్తుంది
