టీడీపీ అధినేత చంద్రబాబు నాయుడు స్వగ్రామం నారావారిపల్లెలో ఆయనకు చెందిన భూమి కబ్జా గురైంది.రాజేంద్రనాయుడు అనే వ్యక్తి చంద్రబాబుకు చెందిన స్థలంలో ఫెన్సింగ్‌ వేశారు. దీంతో చంద్రబాబు బంధువులు చంద్రగిరి తహశీల్దార్‌కి ఫిర్యాదు చేశారు. నారావారిపల్లెలో 1989లో సర్వే నంబర్‌ 222/5లో 87 సెంట్లు రిజిస్టర్‌ భూమిని నారా చంద్రబాబు నాయుడు తండ్రి నారా ఖర్జూర నాయుడు కొనుగోలు చేశారు. ఆయన తదనంతరం ఆ భూమిలో కొంత భాగాన్ని ప్రాథమిక ఆరోగ్య కేంద్రానికి వితరణ చేశారు. మిగిలిన 38 సెంట్ల భూమి వారి పేరు మీద ఆన్‌లైన్‌లో నమోదు చేసుకోలేదు. రాజేంద్ర నాయుడు.. ఆ భూమిని కబ్జా చేసేందుకు రాతి కుసాలు నాటుతున్నారు.ఈ భూమికి సంబంధించిన పక్క రిజిస్ట్రేషన్‌ డాక్యుమెంట్‌ కూడా ఉండడంతో నారా రామ్మూర్తి నాయుడు భార్య ఇందిరమ్మ చంద్రగిరి ఎమ్మార్వోకి ఫిర్యాదు చేశారు. ఈ స్థలంలో ప్రతి సంవత్సరం నారా భువనేశ్వరి సంక్రాంతి పర్వదినాన రంగవల్లులు, క్రీడా పోటీలు ఇక్కడ నిర్వహించేవారని ఫిర్యాదులో పేర్కొన్నారు.
