విశాలాంధ్ర ధర్మవరం;; ప్రమాదాలు జరిగినప్పుడు నివారణపై విద్యార్థులకు అవగాహన ఉండాలని ఫైర్ ఆఫీసర్ రాజు తెలిపారు. ఈ సందర్భంగా అగ్నిమాపక వారోత్సవాల్లో సందర్భంగా బుధవారం నాలుగవ రోజు పట్టణంలోని ఇందిరమ్మ కాలనీలో గల కాకతీయ విద్యా నికేతన్ హై స్కూల్ విద్యార్థులకు, ఉపాధ్యాయులకు, సిబ్బందికి అగ్ని ప్రమాదాలపై అవగాహన కార్యక్రమాన్ని నిర్వహించడం జరిగిందని తెలిపారు. అదేవిధంగా అగ్ని ప్రమాదాలు జరగకుండా తీసుకోవాల్సిన జాగ్రత్తలు గురించి వాటర్ డెమో ద్వారా తెలియజేయడం జరిగిందని తెలిపారు. అగ్ని ప్రమాదాలు జరిగినప్పుడు వాటిని ఆరిపే పద్ధతులు కూడా తెలపడం జరిగిందన్నారు. అనంతరం అగ్ని ప్రమాదాల పట్ల తీసుకోవలసిన జాగ్రత్తలు, పాటించవలసిన విధి విధానాలను తెలిపే కరపత్రాలను బ్రోచర్లను కూడా పంపిణీ చేయడం జరిగిందని వారు తెలిపారు. ప్రస్తుతం వేసవి కాలం ఉన్నందున ప్రజలందరూ అప్రమత్తంగా ఉంటూ, ప్రమాదాలు జరగకుండా జాగ్రత్తలు వహించాలని తెలిపారు. అదేవిధంగా వ్యాపారస్తులు, ఇతర వాణిజ్య సంస్థలు విద్యుత్ వినియోగంలో తగిన జాగ్రత్తలను తీసుకుంటూ, రాత్రిపూట దుకాణంలో ఉండే విద్యుత్తును ఆఫ్ చేసి తాళాలు వేసుకొని వెళ్లాలని ప్రతి ఒక్కరూ అగ్నిమాపక పరికరాలను తప్పనిసరిగా ఉంచుకోవాలని, తద్వారా ప్రమాదాలను నివారించే అవకాశం ఉంటుందని తెలిపారు.ఈ కార్యక్రమంలో పాఠశాల ఉపాధ్యాయులు, సిబ్బంది, యాజమాన్యం, అగ్నిమాపక సిబ్బంది పాల్గొన్నారు.
ప్రమాదాలు జరిగినప్పుడు నివారణపై విద్యార్థులకు అవగాహన.. ఫైర్ ఆఫీసర్ రాజు
