రాష్ట్రంలో పడిపోతున్న ఉష్ణోగ్రతలు..

రాబోయే మూడు రోజుల పాటు చలి తీవ్రత మరింత పెరిగే అవకాశం
రాష్ట్రంలో ఇప్పటికే చలిపులి పంజా విసురుతోంది. చలికి తోడు చలి గాలులతో ప్రజలు వణికిపోతున్నారు. పొగమంచుతో వాహనదారులు తీవ్ర ఇక్కట్లు పడుతున్నారు. గతంతో పోలిస్తే ఈ సారి చలి ప్రభావం మరింత ఎక్కువైంది. ఉష్ణోగ్రతలు భారీగా పడిపోతున్నాయి. అయితే రానున్న మూడు రోజుల్లో చలి తీవ్రత మరింత పెరిగే అవకాశముందని వాతావరణశాఖ అధికారులు చెబుతున్నారు. ప్రజలు మరింత అప్రమత్తంగా ఉండాలని, ముఖ్యంగా వృద్ధులు, చిన్నారుల పట్ల జాగ్రత్తలు తీసుకోవాలని చెబుతున్నారు. తెలంగాణ ప్రజలకు వాతావరణశాఖ అలర్ట్‌ జారీ చేసింది. రాబోయే మూడు రోజుల్లో చలి తీవ్రత మరింత పెరిగే అవకాశముందని హెచ్చరించింది. దక్షిణ, ఆగ్నేయ దిశల నుంచి రాష్ట్రం మీదుగా బలమైన గాలులు వీస్తున్నాయని స్పష్టం చేసింది. చలిగాలులు మరింత బలంగా వస్తున్నాయని, రాబోయే రెండు రోజులు 2 నుంచి 4 డిగ్రీలు కనిష్ట ఉష్ణోగ్రతలు తగ్గే అవకాశం ఉందని వాతావరణశాఖ అధికారులు తెలిపారు. మంచు ప్రభావం కూడా ఎక్కుగా ఉంటుందని, వాహనదారులు జాగ్రత్తలు పాటించాలని హైదరాబాద్‌ వాతావరణశాఖ సూచించింది. ఆదివారం హైదరాబాద్‌ శివారులోని తాళ్లపల్లిలో అత్యల్పంగా 10.1 డిగ్రీల ఉష్ణోగ్రత నమెదు అయింది. గత కొద్దిరోజులుగా రాష్ట్రంలో చలి తీవ్రత మరింత పెరిగింది. అత్యల్ప స్థాయిలో ఉష్ణోగ్రతలు నమోదు అవుతున్నాయి. ఉదయం 10 గంటలకు కూడా చలి తగ్గడం లేదు.సాయంత్రం 8 గంటల నుంచి మరుసటి రోజు ఉదయం 10 గంటల వరకు చలి ప్రభావం ఉంటుంది. దీంతో ప్రజల చలికి వణికిపోతున్నారు. చలి బాగా ఎక్కకుగా ఉండటంతో బయటకు వచ్చేందుకు ఎక్కువ ఇష్టపడటం లేదు. రాబోయే మూడు రోజులు మరింత జాగ్రత్తగా ఉండాలని వ్షాతావరణ శాఖ అధికారులు సూచిస్తున్నారు. ఆదివారం ఆదిలాబాద్‌లో కనిష్ట ఉష్ణోగ్రత 16.2 డిగ్రీలు, గరిష్ట ఉష్ణోగ్రత 33.7 డిగ్రీలు నమోదైంది. భద్రాచలంలో కనిష్ట ఉష్ణోగ్రత 17.0 డిగ్రీలు, గరిష్ట ఉష్ణోగ్రత 32.2 డిగ్రీలు, హకీంపేటలో కనిష్ట ఉష్ణోగ్రత 15.6 డిగ్రీలు, గరిష్ట ఉష్ణోగ్రత 29.3 డిగ్రీలు, దుండిగల్‌లో కనిష్ట ఉష్ణోగ్రత 17.2 డిగ్రీలు, గరిష్ట ఉష్ణోగ్రత 30.4 డిగ్రీలుగా నమోదు అయింది. హన్మకొండలో కనిష్ట ఉష్ణోగ్రత 17.3 డిగ్రీలు, గరిష్ట ఉష్ణోగ్రత 31.0 డిగ్రీలు, హైదరాబాద్‌లో కనిష్ట ఉష్ణోగ్రత 17.3 డిగ్రీలు, గరిష్ట ఉష్ణోగ్రత 30.5 డిగ్రీలు నమోదైంది.ఖమ్మంలో కనిష్ట ఉష్ణోగ్రత 16.6 డిగ్రీలు, గరిష్ట ఉష్ణోగ్రత 33.6 డిగ్రీలు, మహబూబ్‌ నగర్‌లో కనిష్ట ఉష్ణోగ్రత 18.5 డిగ్రీలు, గరిష్ట ఉష్ణోగ్రత 30.5 డిగ్రీలుగా నమోదు అయింది. మెదక్‌లో కనిష్ట ఉష్ణోగ్రత 12.6 డిగ్రీలు, గరిష్ట ఉష్ణోగ్రత 33.2 డిగ్రీలు నమోదు అయింది. నల్లగొండలో కనిష్ట ఉష్ణోగ్రత 15.8 డిగ్రీలు, గరిష్ట ఉష్ణోగ్రత 30.0 డిగ్రీలు, నిజామాబాద్‌లో కనిష్ట ఉష్ణోగ్రత 17.1 డిగ్రీలు, గరిష్ట ఉష్ణోగ్రత 33.1 డిగ్రీలుగా నమోదు అయింది. ఇక రామగుండంలో కనిష్ట ఉష్ణోగ్రత 15.0 డిగ్రీలు, గరిష్ట ఉష్ణోగ్రత 32.2 డిగ్రీలుగా నమోదు అయింది.