పశ్చిమాసియాలో ఉద్రిక్తతలు రోజురోజుకూ ముదురుతున్న నేపథ్యంలో అమెరికా కీలక భద్రతా హెచ్చరిక జారీ చేసింది.
ఇరాన్కు ఎట్టి పరిస్థితుల్లోనూ వెళ్లొద్దని తన పౌరులను ఆదేశించింది.ఇప్పటికే ఇరాన్లో ఉన్న అమెరికన్లు వెంటనే దేశం విడిచి వెళ్లాలని సూచించింది.
పరిస్థితులు వేగంగా మారే అవకాశం ఉందని.. విమాన సర్వీసులు రద్దు కావడం, గగనతలం మూసివేయడం, సరిహద్దుల్లో ఆంక్షలు విధించడం వంటి పరిణామాలు ఎదురుకావచ్చని హెచ్చరించింది.
సంక్లిష్టంగా ఇరాన్లో భద్రతా పరిస్థితులు
అమెరికా వర్చువల్ ఎంబసీ ఇన్ ఇరాన్ తాజాగా విడుదల చేసిన భద్రతా హెచ్చరికలో.. ఏ కారణంతోనూ ఇరాన్కు వెళ్లొద్దు.అక్కడున్న అమెరికా పౌరులు వెంటనే ఇరాన్ నుంచి బయటకు వచ్చేయాలిఃః అని స్పష్టం చేసింది.ఇరాన్లో భద్రతా పరిస్థితులు సంక్లిష్టంగా మారుతున్నాయని పేర్కొంది.విమానాశ్రయాలు, విమానయాన సంస్థలు, సరిహద్దు మార్గాలకు సంబంధించిన పరిణామాలను ఎప్పటికప్పుడు గమనించాలని సూచించింది.ఇతర దేశాలకు వెళ్లాలనుకునేవారు ఆయా దేశాల ప్రవేశ నిబంధనలను ముందుగానే తెలుసుకోవాలని తెలిపింది.
అమెరికన్లకు పలు సూచనలు
ఇరాన్లో ఉన్న అమెరికన్లు నిరసనలు, భారీ జనసమూహాలకు దూరంగా ఉండాలని అమెరికా సూచించింది.అమెరికాతో బహిరంగంగా అనుబంధం ఉన్న ప్రాంతాల్లో తక్కువ ప్రొఫైల్ పాటించాలని తెలిపింది.వైమానిక దాడులు జరిగితే కిటికీలు, అద్దాల తలుపులకు దూరంగా ఉండాలని.. కూలిన భవనాలు, శిథిలాల వద్దకు వెళ్లొద్దని హెచ్చరించింది.అత్యవసర పరిస్థితుల్లో దౌత్య అధికారులను సంప్రదించేందుకు ఃస్మార్ట్ ట్రావెలర్ ఎన్రోల్మెంట్ ప్రోగ్రామ్ లో నమోదు చేసుకోవాలని సూచించింది.పశ్చిమాసియాలో ప్రయాణించే లేదా ఆ ప్రాంతం మీదుగా వెళ్లే అమెరికన్లు అప్రమత్తంగా ఉండాలని తెలిపింది.విమాన సర్వీసులు, గగనతల మార్గాల్లో ఆకస్మిక మార్పులు, రద్దులు చోటుచేసుకునే అవకాశం ఉందని హెచ్చరించింది.
హౌతీల దాడులతో మరింత ఉద్రిక్తత
అమెరికా-ఇరాన్ మధ్య సైనిక ఉద్రిక్తతలు కొనసాగుతున్న వేళ.. ఇరాన్ మద్దతున్న హౌతీల కార్యకలాపాలను కూడా అమెరికా ప్రస్తావించింది.సౌదీ అరేబియాపై, ముఖ్యంగా పౌర విమానాశ్రయాలపై హౌతీలు దాడులకు పాల్పడ్డారని పేర్కొంది.ప్రస్తుత సైనిక ఘర్షణలు వేగంగా మరింత విస్తరించే అవకాశం ఉందని హెచ్చరించింది.ఇరాన్కు మద్దతిచ్చే గ్రూపులు అమెరికా ప్రయోజనాలను లక్ష్యంగా చేసుకునే అవకాశం ఉందని అమెరికా తెలిపింది.మధ్యప్రాచ్యంతో పాటు ఇతర ప్రాంతాల్లో గతంలో అమెరికా దౌత్య కార్యాలయాలు, సంస్థలపై దాడులు జరిగిన విషయాన్ని గుర్తుచేసింది.అమెరికా వ్యాపార సంస్థలు, ఇతర సంస్థలు, అమెరికా ప్రయోజనాలపైనా ముప్పు ఉండొచ్చని పేర్కొంది.
సౌదీలోనూ ఆంక్షలు
ఇరాన్తో పాటు సౌదీ అరేబియాలో ఉన్న అమెరికన్లకు కూడా ఇటీవల భద్రతా సూచనలు జారీ అయ్యాయి.హౌతీల దాడుల నేపథ్యంలో తైఫ్, యన్బు ప్రాంతాలకు అమెరికా ప్రభుత్వ ఉద్యోగులు అధికారిక లేదా వ్యక్తిగత ప్రయాణాలు చేయాలంటే ప్రత్యేక అనుమతి తీసుకోవాలని సూచించింది.మరోవైపు రియాద్ వైపు బాలిస్టిక్ క్షిపణి దూసుకురావడంతో సౌదీ అధికారులు అత్యవసర హెచ్చరిక జారీ చేశారు.ఆ క్షిపణిని అడ్డుకున్నట్లు సౌదీ నేతృత్వంలోని సంకీర్ణ దళాలు తెలిపాయి.బిష్, తైఫ్, ఫరాసాన్, యన్బు ప్రాంతాల్లో పౌరులు, మౌలిక వసతులను లక్ష్యంగా చేసుకుని దాడులకు ప్రయత్నాలు జరిగినట్లు పేర్కొన్నాయి.హౌతీల దాడులను ఖతార్ ఖండిస్తూ సౌదీ అరేబియాకు సంఘీభావం ప్రకటించింది.
అంతర్జాతీయ విమాన సర్వీసులపై ప్రభావం
ఫిబ్రవరి 28న యుద్ధం మొదలైనప్పటి నుంచి ఇరాన్ అంతర్జాతీయ రాకపోకలపై తీవ్ర ప్రభావం పడింది.భద్రతా పరిస్థితులు, గగనతల పరిమితులు, విమాన మార్గాల్లో మార్పుల కారణంగా పలు అంతర్జాతీయ సర్వీసులు రద్దు లేదా నిలిపివేతకు గురయ్యాయి.అయితే గల్ఫ్ ప్రాంతంలోని అన్ని విమాన మార్గాలు పూర్తిగా మూసుకుపోలేదు.కొన్ని రూట్లలో సర్వీసులు కొనసాగుతున్నప్పటికీ.. పరిస్థితులను బట్టి విమానయాన సంస్థలు షెడ్యూళ్లలో మార్పులు చేస్తున్నాయి.తాజాగా ఇరాన్ నుంచి బయలుదేరే అంతర్జాతీయ విమానాల్లో దాదాపు మూడో వంతు రద్దైనట్లు సమాచారం.మాహాన్ ఎయిర్ కూడా ఇస్తాంబుల్, అంకారా, మస్కట్ వంటి అంతర్జాతీయ మార్గాల్లో సర్వీసులను నిలిపివేసింది.దీంతో ఇరాన్కు వెళ్లడం, అక్కడి నుంచి బయటకు రావడం గతంతో పోలిస్తే మరింత కష్టంగా మారింది.
దౌత్య మార్గాలు మాత్రం పూర్తిగా మూసుకుపోలేదు
అమెరికా-ఇరాన్ మధ్య దౌత్య సంబంధాలు తీవ్ర ఉద్రిక్తతలో ఉన్నప్పటికీ.. చర్చలకు సంబంధించిన మార్గాలు పూర్తిగా మూసుకుపోలేదు.సెప్టెంబర్ 20న అమెరికా అధ్యక్షుడు డొనాల్డ్ ట్రంప్..ఇరాన్ అధ్యక్షుడు మసూద్ పెజెష్కియాన్తో సమావేశానికి తాను సిద్ధంగా ఉన్నట్లు సంకేతాలు ఇచ్చారు.పెజెష్కియాన్ ఐక్యరాజ్యసమితి సాధారణ సభకు హాజరయ్యే సమయంలో ఈ భేటీకి అవకాశం ఉండొచ్చన్న సంకేతాలు వెలువడ్డాయి.మరోవైపు ఇరాన్ విదేశాంగ మంత్రి అబ్బాస్ అరాఘ్చీ కూడా ఐరాస సాధారణ సభకు వెళ్లే కార్యక్రమంలో భాగంగా దౌత్య ప్రయత్నాలను కొనసాగిస్తున్నారు.చైనా సైతం ఇరాన్, అమెరికా సంయమనం పాటించి జూన్లో కుదిరిన శాంతి ఒప్పందానికి తిరిగి రావాలని కోరుతోంది.దీంతో ఒకవైపు సైనిక ఉద్రిక్తతలు కొనసాగుతుండగా.. మరోవైపు పరోక్ష దౌత్య ప్రయత్నాలు కూడా ఏకకాలంలో సాగుతున్నాయి.
