సీపీఐ అభ్యర్థులను గెలిపించండి

విశాలాంధ్ర – పెద్దకడబూరు (కర్నూలు) : నవంబరు 5న జరిగే ఎంపీటీసీ ఎన్నికల్లో సిపిఐ అభ్యర్థులను గెలిపించాలని సీపీఐ జిల్లా కార్యవర్గ సభ్యులు భాస్కర్ యాదవ్, మండల కార్యదర్శి వీరేష్, రైతు సంఘం జిల్లా ఉపాధ్యక్షులు ఆంజనేయ, ఏఐవైఎఫ్ తాలూకా అధ్యక్షులు జాఫర్ పటేల్ ఓటర్లను అభ్యర్థించారు. శనివారం మండల పరిధిలోని కల్లుకుంట గ్రామంలో ఎంపీటీసీ సిపిఐ అభ్యర్థి షేక్ ఫర్జానా తరపున గ్రామంలో ప్రచారం నిర్వహించారు. ఈ సందర్భంగా వారు మాట్లాడుతూ సిపిఐ పార్టీ పేద, బడుగు బలహీన వర్గాల సమస్యల పరిష్కారం కోసం అనేక పోరాటాలు చేసిందన్నారు. ఓటును డబ్బులు కోసం అమ్ముకోవద్దని, సేవ చేసే వారికి అవకాశం ఇవ్వాలన్నారు. ఎంపీటీసీ ఎన్నికల్లో సిపిఐ పార్టీ అభ్యర్థిని గెలిపిస్తే గ్రామాభివృద్ధికి కృషి చేస్తామని హామీ ఇచ్చారు. ఈ కార్యక్రమంలో సిపిఐ మండల సహాయ కార్యదర్శి కుమ్మరి చంద్ర, సీనియర్ నాయకులు ఇస్మాయిల్, ఏఐఎస్ఎఫ్ మండల అధ్యక్షులు షేక్ మహ్మద్ హుస్సేన్, నాయకులు నాగరాజు, డోలు హనుమంతు,తిక్కన్న, గిడ్డయ్య, వీరేష్, హయాత్ పటేల్ తదితరులు పాల్గొన్నారు.