Friday, August 19, 2022
Friday, August 19, 2022

వర్షం పడిన వెంటనే ఎవరూ రోడ్లపైకి రావొద్దు

హైదరాబాద్‌ నగరవాసులకు ట్రాఫిక్‌ పోలీసుల సూచన
తెలంగాణలో భారీ వర్షాల నేపథ్యంలో ట్రాఫిక్‌ పోలీసులు నగరవాసులను ఉద్దేశిస్తూ కీలక సూచనలు చేశారు. నేడు, రేపు హైదరాబాద్‌లో వర్ష సూచన ఉందంటూ వాతావరణ శాఖ చేసిన సూచన మేరకు ట్రాఫిక్‌ పోలీసులు నగరవాసులకు కొన్ని సూచనలు చేశారు. ముఖ్యంగా ఉద్యోగులు, విద్యార్థులు వర్షం పడిన వెంటనే రోడ్ల మీద రావొద్దని సూచించారు.వర్షం తగ్గిన వెంటనే హడావుడిగా రోడ్లపైకి రాకుండా గంట తర్వాత రావాలని ట్రాఫిక్‌ పోలీసులు సూచించారు. రోడ్లపైకి వచ్చిన నీరు డ్రైనేజీలోకి వెళ్లేందుకు గంటకు పైగా సమయం పడుతుందని.. ఆ మేరకే గంట తర్వాత రావాలని సూచిస్తున్నామన్నారు. ఆఫీస్‌లు, పాఠశాలలు, కాలేజీలకు వెళ్లే అప్రమత్తంగా ఉండాలని ట్రాఫిక్‌ పోలీసులు కోరారు. ఒకవేళ తమ సూచనలు పాటించకపోతే భారీ ట్రాఫిక్‌లో చిక్కుకునే అవకాశం ఉందంటూ హెచ్చరించారు.

సంబంధిత వార్తలు

spot_img

తాజా వార్తలు

spot_img