ఓ మంచి మిత్రుడ్ని కోల్పోయానంటూ లోకేశ్‌ విచారం
ఇటీవల రోడ్డు ప్రమాదంలో మృతిచెందిన టీడీపీ నేత, మాజీ ఎంపీపీ రాజవర్ధన్‌రెడ్డి కుటుంబాన్ని ఆ పార్టీ జాతీయ ప్రధాన కార్యదర్శి నారా లోకేశ్‌ పరామర్శించారు. కర్నూలు నెహ్రు నగర్‌ లో ఇంటికి వెళ్లి రాజా వర్ధన్‌ చిత్రపటానికి పూలమాల వేసి నివాళులర్పించారు. ఆయన కుటుంబ సభ్యులను పరామర్శించారు. పార్టీ అండగా ఉంటుందని వారికి భరోసా ఇచ్చారు. ఓ మంచి మిత్రుడ్ని కోల్పోయానంటూ లోకేశ్‌ తీవ్ర విచారం వ్యక్తం చేశారు. రోడ్డు ప్రమాదంలో రాజవర్ధన్‌ రెడ్డి వంటి సమర్థుడైన యువనేతను కోల్పోవడం బాధాకరమని పేర్కొన్నారు. రాజవర్ధన్‌ రెడ్డి ఎంతో నిబద్ధత ఉన్న నాయకుడు అని, గతంలో టీడీపీ అధికారంలో ఉన్న సమయంలో ఎప్పుడూ కూడా సొంత పనుల కోసం రాలేదని లోకేశ్‌ గుర్తు చేసుకున్నారు.
రాజవర్ధన్‌ రెడ్డి కుటుంబాన్ని పరామర్శించిన నారా లోకేశ్‌
