కొనసాగుతున్న విచారణ
పశ్చిమగోదావరి జిల్లా జంగారెడ్డిగూడెంలో జరుగుతున్న వరుస మరణాలు తీవ్ర కలకలం రేపుతున్నాయి. కొన్ని రోజుల వ్యవధిలోనే 18 మంది మృతిచెందారు. ఆసుపత్రిలో చికిత్స పొందుతూ ఈ తెల్లవారుజామున అనిల్‌ అనే వ్యక్తి చనిపోయారు. కాసేపటి తర్వాత జంగారెడ్డిగూడెం ప్రభుత్వాసుపత్రిలో చికిత్స పొందుతూ ఒడిశా వాసి ఉపేంద్ర మృతిచెందారు. మరోవైపు నాటుసారా మరణాలపై విచారణ కొనసాగుతోంది. జంగారెడ్డిగూడెంలో ఇంటింటికీ వెళ్లి అధికారులు వివరాలు సేకరిస్తున్నారు.
జంగారెడ్డిగూడెంలో 18కి చేరిన మరణాలు
